اليوم بس فتح معي
وحبيت اشكر كل البنات اللي راسلوني على الخاص ويشكروني ويرحبون فيني واقولهم اسمحولي وسامحوني ماقدرت ارد عليكم الا هني لان حسابي مايسمح لي اسوي رسايل خاصه لان لحين ماوصلت 50 مشاركة عشان ماتفكرون شي ثاني
نبتدي بسم الله الرحمن الرحيم
طبعا هالكرش والكوارع لمحبينه فقط واللي مايحب الاكله يسكر الصفحه هههههه
اليوم جبت لكم اكلات دسمه الا الجريش طبق صحي
وكلها من اعداد الوالدة الله يحفظها وطبعا هالاكلات مانسويها كليوم طبعا بالشهر مره تقريبا
ووووووو حبيت اصورها لكم واعطيكم مقاديرها
نبتدي بالكرش على الطريقة الهندية وانا ماحب اكل الكرش الا بالطريقة هذي لان توابلها تكون عجيبه والزفر فيها يكون معدوم نهائيا
تقريبا هذا كرش 3 كيلو
نحط عليها البهارات وهي فلفل احمر وملح وقرم مسالا ثوم وزنجبيل مطحون 3 ملاعق كبار
و4 طماطم كبيرة مقطعة وشوي كركم حسب الرغبه
نضيف الماء عليهم ونخليهم في قدر الضغط على النار لمدة ساعه وربع
هذي الرئة طبعا انا ماحبها لكن صورتها لكم وطبعا توابلها وتبهيرها نفس الكرش بالضبط
الكرش بعد مانضج شكله يجنن صح؟؟؟؟ طبعا لمحبينه اكيد
الحين نجي نحط عليه تقريبا صرتين كزبرة مقطعه وفلفل اخضر حار خمس حبات حسب الرغبه ممكن نقلل
و هذا الابيض اللي تشوفونه جوز الهند محمص بمقلاة نقوم بطحنه بعدين نخلطه مع شوي ماء عشان مايتكتل معانا
ونصبه فوق الكرش هالشكل يعطي نكهه عجيبه طبعا لان هالطبخه على الطريقه الهنديه فتوابلها تختلف شوي
اممممممم احين نضيف الرئة اللي وريتكم ايها من قبل خليناها بقدر الكاتم نضيفهم على الكرش
طبعا انا كنت اتمنى امي تسوي الكرش لحاله واصوره لكم لكني تفاجات انها ناويه تسوي الكرش مع هذا
سوا
وهذا طبقي صحتين وهنا عقلوبكم تفضلوا وياي حياكم
الكوارع على الطريقة الهندية
طبعا كنت سليب ههههههههه وطافتني الطريقة بالصور
ولحقت على اخر شي المهم هذي المقادير
درزن كراعين تقطع الى ثلاث قطع
نغسلها زين ونحطها في قدر ونقطع عليهم
2 بصل كبار
ونحط عليهم فلفل احمر كشميرري 2ملعقة شاي
كركم نص معلقة شاي
ملح ملعقة شاي وحده
كمون وكزبرة ناشفه مطحونين ملعقة شاي
ثوم زنجبيل مطحون ملعقة شاي
ماي ست اكواب
نغطيه ساعه كامله في قد الضغط على النار
طبعا احين عشان النكهه الطيبه
ناخذ قدر كبير ثاني
نقلي فيه بصلة كبيرة مقطعة جوانح
ونخلي لونها يصير بني غامق شوي
مع ثوم زنجبيل ملعقة شاي
نجهز نعناع وكزبرة خضرا فلفل اخضر
شوي ملح
قرم مسالا نص ملعقة شاي
اول مانفتح قدر الضغط
نشيل الدهن من الكوارع اللي تتجمع
كامله ونخلي جزء بسيط جدا منها لو حبينا
بعدين نصب الكوارع في الجدر اللي سوينا فيها تتبيلة البصل
ونخليها على النار مدة عشر دقايق بس تاخذ نكهه
وهذا شكلها
تقدم مع خبز النان الهندي
سهل وايد نحمس بصلة عالنار ونضيف ملعقة شاي ثوم ياخذون لون شوي
نضيف البهارات بزار ملح فلفل احمر او اسود وكركم وحبة ماجي ونقلب
ونضيف الخضروات المحببه عندكم ونضيف الماء ونخليهم يغلون مدة 20 دقيقة
احين ناخذ الجريش المغسول المنقى مسبقى ومنظف
نحمصه عالنار هني مستخدمين الجريش الاسمر
وو تقريبا هذا 3 اكواب جريش يبقى لها كوبين ماء
وبعد مانحمص الجريش نضيفه مباشره على المرق اللي سويناها
اول ماتبتدي تنشف المرقه نخفف النار ونسكر الجدر
نخليه على نار هاديه
وبسسسسسسسسسسسس لمدة 10 دقايق
وسلامتكم
وهذا شكله جربوه وايد عجيب وخفيف خاصه للرجيم