كرهتهم كرهتهم كلهم .....

هلااااااا بحبايبي

أنا سبق ونزلت مواضيع بخصوص زوجي والمشكله إلي نعانيها وانه ما يقدر يتقربلي وللمزيد من المعلومات ادخلوا ملفي عشان تعرفون قصتي:D

المشكله ألحين انه انا تزوجت في فترة كنا أكثر من وحده من بنات العيله تزوجنا سوا وألحين كل وحده حامل وأنا طبعا ما حملت والشهر الجاي بكمل سنة ع زواجي

وألحين نيجي ع سواااااااااااااااالف الحريم إلي تيجي وتودي
أنا طبعا ما قلت لأي حد عن مشكلتنا أنا وزوجي وأنه هاجرني ما ينام معي بس أمي وأمه يدرون بالسالفه

وأنا ساكنة ف منطقة كل الحارة تقريبا من الأهل:06:
كل ما أروح البيت ألاقي وحده تسأني ليش ما حملتي وفلانه حامل وليش وليش
لدرجة انه مرة اول ما وصلت البيت من الدوام ألاقي وحده من الأهل معها وحده حكيميه بمعني طبيبه شعبيه قلتلهم يا هلا وسهلا وأول ما دخلتهم البيت أشوفها تقول خلي هذي الحكيمه تفحصك وتشوف شو فيكي ليش ما حملتي
طيب انتي شو دخلك شو يخصك أنا اذا حملت حملت انتي ليش ماكله همي
وتعصبت قلتلهم طلعوا وما لكم دخل:angry2:
وغير كلام الحريم إلي ينرفز مره بالعرس كنت جالسه وجت وحده من الأهل وتريد تقهرني تعرف اني ما حامل تقولي يا فلانه روحي جيبيلي كرسي هي كبيرة بالسن قلتلها طيب بعدين تقول لا لا بس خلاص ماريد أخاف الولد إلي فبطنك يطيح وتضحك علي:icon31:


حسيت بقهر قهر كبير جدا تمنيت لو أقدر أرد عليها بس لعنت إبليس وسكتت
وألحين كل ما يجي اسبوع تيجي وحده تقولي فلانه حامل طيب وبعدين:angry2:

ألحين محتارة شو أرد عليهم طبعا ما اقدر اقولهم ان زوجي تعبااان لأنهم بيكبروها وبتصير مشاكل واذا قلتلهم ما أبغى عيال يقولون خافي الله ليش تقولين جذي الله بيحرمك من العيال
واذا أقولهم بنجيب عيال بعد سنتين يقولون وليش وليش


تعبت من الحريم وسوالفهم مع إني ما أطلع من البيت أبدا ولا أزور حد عشان أسلم من شرهم وكلامهم إلي زي السم بس يجون البيت ما ف شي مستحيل عندهم خبروني شو أرد عليهم شو أقول لهم عشان يسكتون ويخلوني ف حااااااااااااااااااااااااااالي تعبت تعبت:06: