كرهته

السلام عليكم
انا كرهت جوزى اوى امبارح اتاكدت انه كل يوم بيعمل شات مع واحدة فى نص الليل
انا كنت شاكة لانه يوميا يعد لنص الليل على النت ودايما تجيلوا رنات بليل متاخر
امبارح الصبح وانا رايحة الشغل شفت مبايله لقيت عليه رنة الساعة 3 صبح صحيته من النوم وقلتله انه الرقد دا بيتصل بيه وقلتله انها واحدة المهم انه مااستغربش وماانكرش انها واحدة ولما سالته هى دى الى بتشيت معاها بليل قالى ايوة بكل بجاحة قلتله طيب انا هخلص شغل واورح لماما عشان اتخنقت واسيبك تشيت براحتك ماردش عليا
وانا فى الشغل تعبت لانى حامل فى التاسع اتصلوا بيه عشان يجى ياخدنى وجيه خدنى وكان هيودينى البيت قلتله انا عاوزة اروح لماما قالى ليه قلتله عشان تعبانة قالى ماشى دا كان امبارح من ساعاتها ماكلمنيش ولا عبرنى
نسيت اقولكم انى اتصلت برقمها عشان اتاكد انها واحدة طبعا ماردتش عليا لان البيه اكيد قالها ماترديش عليها لو كلمتك
المهم انا دلوقتى تعبانة جدا وكرهته جدا ومش عارفة افضل عند ماما ولا ارجع البيت ومش عارفة اواجهه واكلمه انا عاوزة لما يكلمنى على الموبايل لو كلمنى يعنى اقوله مش قادرة اروح معاه البيت لانى بصراحة مش قادرة كل يوم يتحرق دمى قبل النوم عشان البيه بيشيت مع الهانم
مش عارفة قولولى اعمل ايه؟ انا عن نفسى مش هقدر اروح معاه