عشان عيالها اللي قلتي ما بيموتون جوع
هو الحين يصرف على عياله لكن اذا راحت عند اهلها يمكن ياخذ العيال طيب وبعدين منو بينتبه عليهم
هي الحين ترعاهم وتهتم فيهم وبعدين شلون
وما تدرين ظروفها يمكن اهلها ما بيستقبلونها مع عيالها اذا تطلقت مو كل الاهل يرضون
هي الحين عندها بيت وعيال تهتم فيهم وزوج يصرف عليها
اما سلبياته فالله يعينها عليه
وبعد في نقطة مهمة انه ما يضربها ما يشتمها ما يصرخ عليها قدام الناس ما يخونها هذي اشياء ما قالت عليها في مشكلتها الحين
تقولين ما تحبه ليش قاعدة معاه
مو كل البيوت تنبني على الحب
صح لازم يكون في محبة ورحمة ورأفة
لكن بالدعاء والاستعانة به ان شاء الله يتغير
الله يفرج همها
وياصاحبة المشكلة اهم شي مثل ما قالت لك وحدة ركزي على المصروف بالطيب بالغصب بتوسيط ناس حكماء
اهم شي احصلي على المصروف
وقعدته على الجوال حاولي تشغليه دوري لك افكار لاشغاله
والاكل تقولين ياكل بغرفته
روحي الغرفة انتي والعيال وافرشي السفرة وكلو معاه واذا قال ليش
قولي له ما يحلى لنا الاكل الا معاك ومن ذا الكلام اللي ممكن يلين قلبه
ودايما رددي الحوقلة والصلاة الابراهيمية واقرئي سورة البقرة كل يوم كثير ناس تغيرت حياتهم للاحسن منها ولا غرابة في ذلك فهي بركة كما قال الرسول
الصفحة الأخيرة
الاب مهما كان سيء ترى الاطفال يشوفون ابوهم احسن شخص
بعض الاباء ترى يتهاوش مع الام لكن مره حنون ع اطفاله ويحبهم وحتى لو مو حنون الاب ايش مهما يسوي اولاده يحبونه
فقبل لا اقرر طلاق اكيد بفكر باولادي
مو براسي اقرر عشان ارتاح انا وهم يتعبون
ثاني شي انا ماعندي وظيفه كيف اطلعهم من بيت ابوهم عشان انا ماني مرتاحه واخليهم يتمرمطوا !
ولا فبيت ابوهم مرتاحين واحشرهم عند اهلي!!
ترى الواحد يحسبها من كل الجهات
لما تعطي رايك لوحده بالطلاق فكري بكل شي