كرهت ابوي وماعاد ابغى اشوف وجهه ...

الأسرة والمجتمع

زوجي قبل ولادتي راح وخلاني .. ومو اول مره يسويها فيني ..حتى بطفلي الثاني نفس الشيء ..
وقال لي انا وكلت اخوي يوديك اذا جاتك الولادة لان ابوي قال لما زوجي طلبه يوديني مستشفى خاص .. قال انا ماني مستعد ولا 1 بالميه اني اودي فلانه مستشفى خاص وقولها لا تجيني وتكلمني عن المستشفى الخاص ولا بيحصل زعل بيني وبينك وهذا انا اعيد الكلام ثاني وثالث ولا تقول ماقلت لي وانا كان تبيني اخدمك فاني بوديها للحكومي وغير كذا ماعندي ولا تجيني فلانه وتكلمني عن الخاص ومن ذا الكلام ...
وطبعا المستشفى الخاص اقرب و الفلوس مدفوعه ..
وزوجي قال خلاص انا وكلت اخوي يوديك و اذا حصل شيء ومارد فـدبري نفسك ولا تكلمين ابوك نهائي لان عمي بيزعل ومن ذا الحكي .. وبختصار بعد ماجاني الطلق عرفت ان اخو زوجي مامنه فايده بشيء ..
وابوي لما امي قالت له ان فلانه جاها الطلق قال وين زوجها مايوديها ؟ وهو يعرف انه مسافر ؟ وقالت له سافر .. سكت وماقال شيء ويوم دخلت اختي عشان تجيب لي اغراض لي باخذها معي للمستشفى قالها ابوي سكري النور معك ابغى انام ...رحت بالتاكسي واتمرمطت مع التكاسي ..
و عند الرجعه امي ماقدرت تجيبني لان المكان اللي ولدت فيه بعيد مب اللي كنت مقرره اولد فيه اول ..
وابوي قال لامي خليها هناك ولاحد يجيبها ومره ثانيه كلمته قال انا مالي شغل فيها وخليها تقعد هناك ومن قالها تروح للمنطقه الفلانيه وهيا نشوف الحين من يجيبها قالت له انت ليش تسوي في بنتك كذا بوقت طلق و ولادة ؟؟ فلانه مو بنتك ؟؟ قال انا ماعندي عيال غير اللي في البيت قدامي ..ويقصد اخواني واختي اللي واقفين قدامه ..
جلست بالمستشفى ومحد جاني و اضطريت اخرج لان خلاص انتهت مدة اقامتي بالمستشفى واذا جلست ولو نصف ساعه زيادة بياخذون مني فلوس وانا ماعندي ريال واحد ....
نزلت وبيدي شنطه ثقيله وكيس كبير والنونو باليد الثانيه جلست ساعه كامله افكر ايش اسوي وكيف ارجع ؟ حسيت نفسي عاجزه حتى فلوس ماعندي .. رحت سويت اوراق الخروج و الرجال عند المحاسبه نصب علي وزاد سعر الولادة عشان ياخذ من فلوس التأمين و مايبغى يرجع لي الفلوس وماقدرت اخد منه لا حق ولا باطل .. وكثيير رجال سووى معهم نفس الحركة ورجع لهم الفلوس بس بصرااااخ و رفع اصواات
المهم ورجعت جلست افكر ارجع مع شركة للتوصيل وجيت ابغى احجز الا وجوالي ينطفي وماعندي شاحن ولا عندي فلوس ماجاء في بالي غير اني اطلب من اي وحده تدوور لي ع تاكسي يوصلني واعطيه الفلوس لما نوصل ..
المهم الا وبعدها بشوي تدخل امي مع خالي و رجعنا البيت ولما رجعت تقولي اختي ان امي لما راحت ...
ابوي سألها وقال وين امك قالت راحت تجيب فلانه قال الله يلعنها ويلعن فلانه اللي هي انا ..
رجعنا البيت وابوي عشان اللي سواه ماجاء سلم علي و لا جاء شاف البيبي وثالث يوم تقريبا كنت واقفه عند امي بالصاله و هي شايله البيبي وشفت ابوي وشلت عيني عنه مابغى اشوف وجهه .. جاء وقال مشاء الله مبروكه طنشه ومارديت عليه بكلمه وقال لامي ولد ولا بنت ؟ وهو عارف اصلا ايش جنس الجنين لانه سال اختي قبل وعلمته ...صرت ما اطالع فيه ولا ابغى اشوف وجهه ..
انا تحملت منه اشياء كثيرة .. تحملت الضرب قبل الزواج وسوء المعاملة .. تحملت انه يزوجني غصبا علي وانا بعمر 16 سنه تحملت اشياء كثيرة منه
ولما اتزوجت كان يحاول يتحيز الفرص عشان يضربني يسوي مشاكل من لا شيء اذكر قبل اربعه سنوات! قلت كلمه وماتزعل مره لكن هو زعل وكنا برمضان وع السفره وكان يشرب عصير قام طش العصير بوجهي ومره زعل وقام تفل بوجهي ورحت غسلت وجهي ومشيت
ومره ولدي الاول كان يبكي جيعان وماكان يرضع من صدري والحليب خلص من اول من الليل لين العصر وامي تطلب ابوي وابوي ميت ولا عليه امي قالت امشي ي فلانه انتي واختك روحي جيبي لولدك حليب الولد يبغى يموت وابوك ولا همه رحت لبست عبايتي و اختي بعد ونزلنا وعند باب الشارع شافنا وقال وين رايحين قلت الصيدليه وان الولد جيعان يبغى حليب قال طيب روحوا وانا بجي معاكم وجاء واشترينا الحليب ورجعنا وبالمصعد كلم اختي وخاصمها وقالها من قالك تطلعين بدون اذني واول ما دخلنا البيت مسكني انا من حلقي وضربني كفين ع وجهي بقوه .. انا انصدمت ؟؟؟؟ انا ايش سويت ؟!!! وجلس يصرخ مين قالك تطلعين بدون اذني ؟؟ الا وانهببببل واجري ع الغرفه واقفل ع نفسي الباب واسبه وادعي عليه وهو يهددني ..
ضربني انا واختي ماسوى لها شيء
انا ضربني الف مره واختي ذي عمره ماضربها ومد يده عليها ..
والله الحين هي تخرج وتطلع وهي مب متزوجة ولا يكلمها
بالعكس احس يحبها وانا كارهني ..
صح الحين ماجاني منه شيء وتقريبا من ثلاثه سنوات ماجاني منه شيء لاني دايما بعيده ولا اجي بالسنه الا مرتين او ثلاثه صح بذي المرات اللي اجي فيها اجلس تقريبا اسبوع و مرات اجلس شهر وعليها وهكذا ..
لكن اذا جيت يكون هو مشغول ومب موجود في البيت فما صارت بيننا اي مشكلة لحد الان ..
المهم اني حلفت ع نفسي بعد اللي صار لي بوقت ولادتي ذي اني ماعاد اسلم عليه ابد .. والله ولا ابغى اشوف وجهه ..
حتى لو يموت ماراح ابكي عليهه .. انا اشك انه ابوي !! ..
وزوجي كرهتهههه بعد ..
ودي اتوظف واستقل بحياتي ... ودي افتك من وجه زوجي ودي اعلم ابوي اني بايعته وانه مايعني لي شيء ودي اقوله انت منت ابوي .. ودي الغيهم من حييييياتي ...
49
13K

يلزم عليك تسجيل الدخول أولًا لكتابة تعليق.

تسجيل دخول

أسماء
أسماء
لاااحول ولاقوة الا باالله
كثري من االاستغفار ترتاح نفسيتك
والله موعارفه ايييش اقولك
بنت طرازن
بنت طرازن
ابوك طنشيييييه ولا كانه موجود
ولا تردي عليه ابد .
fofo113
fofo113
ابوك الله يهديه قاسي لكن الحق على زوجك خلاص تزوجتي المفروض مايهملك وهو عارف ابوك الله يهالرجال بعضهم ردي
أمنيات ضائعة
أمنيات ضائعة
.
ياقلبي وسعي صدرك الله يهديكم ويسخركم لبعض ويألف بين قلوبكم
*طالبه جامعيه*
*طالبه جامعيه*
مهما صار يظل ابوك
واجب عليك تبرينه
جاهدي نفسك وبريه
الله يفرج همك ويشرح صدرك
وزوجك خذي منه موقف