كرهت اخواتي وماعاد اطيقهم؟؟؟؟؟؟

اختي الحبيبه ...
لاتنحل الامور بالعصبية ولاداعي بان تقولي بانك كرهتي اخواتك ..لان شرعاً لايجوز هجر المسلم اخاه فوق ثلاث ليال....
مشكلتك يبيلها وقت وهدوء في نفس الوقت ...فحاولي ياختي ان تمسكي اعصابك عند التفاهم معهم ..ولاتجعلي الشيطان ان يدخل مدخل بينكم ...اولا ان تتعوذي بالله من الشيطان الرجيم وتتحلي بالصبر واياك وانا انصحك يالغاليه بالانفعال .. لان به تتعقد الامور الى الاصعب ولاتنحل ....ونصيحتي لك الاخرى ان تتقربي لاقرب اخت منهن وتحاوريها شخصيا يعني وجها لوجه ..وبهدوء وتشرحي لها موقفك وحالك وانك تريديني ان تتعاوني معهم ..وبانك ابدا لم ترفضي التعاون لكن اصابع اليد ليست سوى انتم بامكانكم وانا لااقدر الا على الراحة ومن هالمنطلق وبهدوء وبحلم شديد في التفاهم ...وذكريها بان باجتماعكم وبفرحتكم انكم أولا ستدخلون البهجة والسرور بقلب الوالده الله يحفظها ..لانكم تعاونتم على شي بيد واحد وبهدوء شديد....ولاتنسي ياختي بالدعاء لهم الدعـــــــــاء ..السلاح المفقود...يالغاليه لايرد القضاء الا الدعاء ياختي الكريمة ادعي لهم بالهداية والصلاح .. وان يهدي الله سركم على الخير دائما...هذا اللي استطع ان اقوله لك فإذا احتجتي اي مساعده فانا لك بالخدمة اختي الكريمة والله المستعان

هلا اختي

صراحه لا تكبرين السالفة ...

لوفكرتي فيها خلينا من موقف اخواتك على جنب شوية...

انتي مادياتك ماتسمح ومافيه شي يضطرك تضغطين على نفسك وعلى زوجك مايسوا بكرة زوجك يشيلها بقلبه ويطلعها لك باول مشكله تصادفكم ... عادي بتجتمعين معاهم روحي شوفيهم في بيت اهلك وتكونين اديتي الواجب ووصلتيهم...

طنشي سالفة الاستراحه دامك عرضتي التقسيط عليهم ورفضوا بكيفهم واذا هم قالولك وافقنا نقسط قولي لالالالالالالالا مابغا اضغط على زوجي تراك ملزمه بزوجك اكثر منهم والمبلغ ماهو سهل ينفعك تسوين فيه مشروع لحالك يجيب لك دخل ثابت كل شهر...

واذا بكرة بنوا الاستراحه وعزموك فيها روحي عادي بس لما هم يعزمونك عشان لاتجيك كلمه تضايقك وشوفيهم في بيت اهلك او زوري كل وحده في بيتها واعزميهم عندك...

هم خواتك وملزومه فيهم واكيد انك تحبينهم وقلتي اكرهم من ورا قلبك...

بس بكون صريحه معاك شكل خواتك ماشاءالله شخصياتهم قوية ونوعا ما ماهم متعاونين افرضي انك دخلتي شريكه معاهم راح تواجهين احراج في انك تعرضين رايك في الاستراحه من ناحية الاختيار نوعية البنا الاثاث اي شي ثاني لانك شريكة ومن حقك تحطين اللي يعجبك بمشورة الجميع ويمكن اللي شخصيتها قوية من خواتك تفرض رايها باللي يعجبها هي بس ويسبب زعل بينكم...

حافظي على علاقتك معاهم... وابتعدي عن الاشياء اللي ممكن تسبب لكم الزعل .. ولاتكبرين الموضوع بينك وبين نفسك

صدقيني لو نسيتي الموضوع بكرة هم بيجون ينادونك وبيغيرون رايهم اذا شافوك مطنشة لكنهم الحين يقولون لك لا لانهم شايفينك مييييييته على الاستراحه خليهم وهم يلحقونك ...

الزبده: ضحكي وسولفي ووسعي صدرك معاهم عادي مره حتى عشان ماتضيقين صدر امك وخلي الامور مثل ماتجي وقبل تسوين اي تصرف فكري في بيتك وهل هذا ياخذ من حق زوجك وبيتك او لا...

تحياتي لك

واسفة على الاطالة...

اي صح نسيت اقولك : ترا مافيه خوات ما يتزاعلون على قولة المصارية (دي مصارين البطن بتتعارك) هههههههههه

سلام

أنا مع سنفوره الحلوه كلامها معقول والله يهدي النفوس.......

الاخوات الله يجزاهم كل خير كفوو ووفووو
ورايي
انك تصارحينهم بوضعك واعتقد مافيها شئ لانهم خواتك

والله يوفقك