كرهت الدنيا خلاص وغير الله مالي الا بنات حواء

هلا بنات عشر مباركه


و****الله ماتشوفوا اللي اشوفها انا ببساطه انسانه وام وزوجه واخت وصديقه --------------------------بس مالقيت

اللي يفهمني ويشيل همي لقيتهم كلهم ضدي وانا ما ابي غير الستر لي ولبناتي من قبل ما اتزوج وانا عندي مبادئ

في الحياه وامل وايمان باالله ان كل احلامي بتتحقق والحمدالله تخرجت وتزوجت من انسان يحبني وبعد اسبوع ماتت عمتي بعد اربع اشهر مات ابي وبعد سنه ماتت امي اللي كانت كل الدنيا الله يرحمهم جميعا
تغيرت الاحوال واهل زوجي يكرهوني انا وبناتي ويشهد الله اني عمري ما جرحت احد فيهم الاهم من اولهم لاخرهم
يجرحون فيني وفي بناتي لدرجة قعدت سنه مارحت لهم من اللي ذقته. وامس رحت وحتي خالتي ما قامت وسلمت بس نزلت وسلمت عليهاوقعدت ترمي كلام علي وانا سكته والله فوق كل ظالم انا رحت عشان الصله وعشان زوجي وبناتي

زوجي تغير كثير ما يسال ولايودي ولايجيب اهم شي عنده الشغل والاستراحه وانا وبناتي في ها الليموزينات
لدرجة ان بناتي الان يكرهون يطلعون مع ابوهم ويقولوا يا نطلع باالليموزين يالا
طبعا زوجي ما يعرفني الا في الفراش وغير كذا ما يكلمني اكشخ ما اكشخ والله مادراي عني ابدعت هاالسنه
في المطبخ انواع العصيرات انواع الطبخات والله انه جاب لي احباط لاكلمه حلوه تجبر الخاطر ولا لمسه
حنونه ورب البيت لوقعد معنا عشرا دقايق انا والبنات يحسبه علينا

اهلي اللي هم خواتي البنات وحده منهم كنت انا اللي اغيرلها وهي طفله ودايم انا الام الحنونه وهم دايم
ما يتفقون مع بعض تركت دنيتي وكنت اخصص لهم الاربعاء والخميس من كل اسبوع
يجون عندي واستمر الوضع7 سنين خلالها فقدت الكثير من العلاقات الاجتماعيه واصبحت في رجا جيت اهلي
اللي في الاخر باعوني اللي توظفت وشافت نفسه بعد ما كانت تتمني تصبغ شعرها مثلي الله يهنيها ويتمم لها
هذي تجي تحط عياله وتمشي مع صحباته واختي الصغيره تجي تقابل التلفزيون وله اللاب توب حقي لينا
ما جابت لاب توب وصارت تكره تجي عندي والمتعلمه المعيده تقول لي انتي اكثر وحده محظوظه باالعائله كلها
عشان عندك عائله وكل ساعه تسالني كم صارلك متزوجه ماتقعدين مع زوجك الله ييسير لها الزوج الصالح عشان تعرف
اش الحياه
اخواني الاولاد ازفت وازفت واحد مضيع حاله وواحد مو عجبه احد تدرون مره كان يكلمني وكنت اشتكي من شقاوة بنتي
الصغيره قام علي قومه قال انتي قد نمتي وانتي تفكرين اش بتاكلي عيالك بكره انتي اميره زوجك معطيكي
المستر كارد ويشهد الله ان هذي للضروره وعمري ماشريت الالماس اوذهب بيها غير بنده وانتي
دايم تتشكين وافرضي ان بناتك معوقات--------------------------------كلام جارح وانا مشكلتي مااعرف ارد
صديقاتي
ذهبوا مع الزمن ماعندي الااثنين خارج الرياض هم الاساس والصدق


حالتي جدا سيئه لازوج لااهل لااصدقاء احسن اني ظالمه بناتي معي لان مالنا احد والعيد جاي ومن يوم ما تزوجت
وانا ماصليت العيد لان زوجي يخلص شغله ويروح يعايد امه ويروح عيدهم وانا باالبيت:44:احيانا يجي عشر الصباح
او11 وينام ويقوم عقب العشاء يوديني اناوالبنات لاقرب احتفال ويقول للبنات ها شفتوا العيد
و الله اني ابكي وانا اكتب وما ابي بناتي يشفوني والله العظيم مالي احد نفسي اترك ها البلد واروح اي مكان ثاني
ادعولي اني اسفر اي مكان بعيد انا وبناتي نكمل درستنا ونكون علاقات في بلاد فيه الخير والحب

ادعوالي فاانا في ضيق لايعلمه الاالله واسفه علي التطويل واي خطا لاني بكيت من قلبي وانا اكتب لكم

احبكم في الله لانكم باالفعل نفعتوني كثير:39: