مو من حقك تقولين لزوجة اخوك روحي لاهلك .. هذا بيتها وهي حره تروح او لا .. تخيلي اخت زوجك تقولك روحي وتعالي !! بنت اخوك هاوشيها لمن تقرب من بنتك .. واعزلي بنتك عنها ولمن تغلط غلط واضح كلمي امها بالحسنى .. تعاملي مع الامور بحكمه او اشتكي لامك وقولي انا بنتي تتعب نفسيتها من الضرب عندكم وبزوركم بس بنام ببيتي او اجيلكم كم يوم بس .. الصراحه صح الاهل ونس بس الراحه ماتلقينها الا ببيتك .. الله ييسر امورك

بصراحه استغرب منك تحطين عقلك بعقل بنت صغيره لاوهي بعد بنت اخوك حتى لو تضرب بنتك توددي لها باكل تتشارك فيه هي وبنتك او العاب ولاتفكرين تطقينها لانها راح تكره بنتك اكثر وتزيد بطقها وبالاخير هم اطفال يتضاربون وبعد ساعه يلعبون مع بعض ومو من حقك تقولين لزوجه اخوك روحي لهلك لان هذا اصلا صار بيتها وانتي بيتك عند زوجك يعني لاتتحكمين يتصرفات زوجه اخوك لان حتى لو تقاطع اهلها ولاتزورهم انتي مالك حق وهذي جزاتها الحرمه قاعده عند امك وبيتها تقولين لها روحي لهلك وحتى اخوك لقالت له زوجه الي قلتيه لها وش موقفه ورده فعله وعلى كذا راح تزيد المشاكل والله يهديكم يارب ويوفقكم

اولا: والله شوفي انا مو معك ابد ابد انك تقولين لزوجة اخوك اذا جيت اطلعي مرة غلطانة فيها واحمدي ربك زوجة اخوك ماكبرت السالفة والله لو انا مكان زوجة اخوك اني لااطلع بيت اهلي وازعل ولااجي لبيتكم حتى لو رجع اخوك من السفر واكبرها ويمكن بعد اطلب بيت لحالي ترى حركتك مرا عيب مع زوجة اخوك..
ثانيا: بنت اخوك اذا شفتيها قاربة من بنتك هوشي عليها لاتطقينها لا صارخي عليها ولاتخلينها تلمسها اذا شفتيها معاندة ولاهمها صراخك هذاك الوقت طقيها..

مو لازم ان زوجة اخوك تروح بيت اهلها هذا بيتها وبيت زوجها من حقها تجلس فيه
وبعدين البنت تفاهمي معها ماله داعي تكبرين السالفه عشان بنت غمرها 4 سنين

ماشاء الله هذا دليل طيبه زوجه اخوكـ اللي تجلس عند امك واخوك مهوب موجود
لاتخلين علاقتك سيئه بسبب الاطفال
وحاولي انك تجلسين بالشقه اللي فوق اهل زوجك وتجين زياره لاهلك