شمس الحب1
شمس الحب1
وش ذا الدلع كل الحريم ضعيفات اجل مثل الرجال جميعن يامعشر النساء ضعيفات البنيه لكن الله عطانا صبر مايتحملوه الرجال والولاده بالعكس ماتتعب الا في اخر ثواني فقط وهي ثواني ماراح تموتك وبعيدن زمان اول انه
مافيه عنايه مثل الحين هم بيهتمون فيك كثير انشالله الدكتورات اجل وشلون امهاتنا تحملو هذا التعب وغير كذا الرجال مايقدر لا وبعدها بيومين تروح تشتغل وتكرف مو مثل الحين الحين الوحده اذا تعبت يصير فيه متابعه من
اول الحمل الى الولاده وبعدها وبتكون الممرضات بجانبك وبعدين بتقعدين الى متى الى ان يصبح عمرك في الاربعين وتقولين ياليت الي جرى ما كان توكلي على وتزوجي وبالاخص اذا كان زوجك من الازواج الذين لا يعوضون وذو اخلاق كريمه والله يتمم على خير وانشالله ترزقين يدزينة اولاد ههههههههههه
انا مثك خوافه لدرجة اني عملت لي تخدير يوم ارادو انهم يركبون لي كم سن والي فقط مع حشو الاسنان وقلت اريد تخدير كامل وضحكة الدكتوره وقالت اجل انت طفله لانها ماتعمل الاللاطفال لكن عملوها لي وانا عندي اطفال
لاني من جد خوااااافه وعندي الام الولاده اهون من الالم الاسنان واذا جاء الدكتور بيشيل العصب
والله يجمع بينكم على الخير والموده :24: :24: :24:
أميرة الأحلام
اتصدقون استانست وايد لما قريت كلامكم لان كان عندى تفس شعور الاخت أم فيصل بس كنت اخاف اقوله حق احد وانزف والا يضحكون على ......... انا الحين حامل بالثانى وتعبانه هذا غير اللوعه اللى تيينى من الصبح ليييييييييييين انام متعبتنى وايد وكل ماقلت حق امى تقولى انتى لحد الحين ماتنسيتى كل هالتعب اللى انا فيه ومونساة عيل النساة اشلون صاير شكلها ؟؟؟؟ والا الولاده اشلون ألمها .... بس الله كريم علشان البيبى كلشى يهون انشالله والله يسهلها
naama77
naama77
السلام عليكم
اختي استغفري الله فلا يعرف قيمة الاطفال الا من حرم منها فانا ايضا في صغري في ليلة كنت اشاهد برنامج اجنبي عن الولادة ولشد ماشاهدت خفت خوفا كبيرا من الولادة فطلبت الله الا امر بهدا الدي رايته وبعد مرور السنوات وتزوجت الان تقريبا5سنوات وانا الان بموت على العيال وربي مااراد وانا نصحتك فقط وادعولي بالدرية جزاكم الله الف خير:24: :24: :24:
مغربية
مغربية
اعوذ بالله من الشيطان الرجيم
اخت عديل الروح استغفري ربك الاولاد نعمة بكرة لما يموت الواحد من يدعي له بالرحمة غير اولاده وليش داشة قسم الحوامل دامك تقرفين منا؟؟؟؟
بكرة تتمنين تشوفين اولادك انا الحين حامل وحالتي صعبة بس مستعدة اتحمل اي شيء في سبيل اني اشوف ولدي او بنتي

اختي ام فيصل ليش مسمية نفسك ام فيصل دامك ما تبين اولاد ما اعتب عليج اعتب على اللي زرع ها الفكرة في راسج روحي شوفي اختك تقدر تستغنى عن بنتها ولا تخاف عليها من الهوا الطاير وبعدين الله جعل طلق المراة مغفرة للذنوب
هاذي عملية خلق ربانية سامية تتجلى فيها كل مظاهر القدرة الاهية وانتي تخافين وتقرفين منها اسغفري ربك

والله يرزق الجميع الذرية الصالحة لانه المال والبنون زينة الحياة الدنيا


لا تزعلوا من صراحتي


مغربية
أم*فيصل*
أم*فيصل*
السلام عليكم ورحمه الله وبركاته
جزاكم الله كل الخير على تفاعلكم في الموضوع وكلامكم المفيد جدا جعله الله في ميزان حسناتكم
لكن لدي مشكله
انني أخاف من المستشفيات أدوخ اول ما ادخل المستشفى حتى في البيت اذا شفت احد مريض
ما ني عارفه كيف اقوى نفسي انا هزيله ونحيفه بالمره
ابغى اتقوى واقاوم الخوف الي بداخلي
واخير جزاكم الله الف خير