يابنات انا عندي مشكلة اجتماعية مؤرقتني وهي إني قليلة كلام ماعندي سواليف ماأعرف أتكلم :44:يعني بمجلس حريم لايمكن أشارك بسواليفهن بس مستمعة ولو وجه لي أحد سؤال أرتبك أتلعثم
ماأدري وش أقول أحيانا أقعد أضحك تقل مهبولة:09:وحالتي حالة من الربكة والخوف وقلبي يدق بسرعة
المشكلة الثانية
ماأعرف أفتح موضوع للنقاش أو أبدأ بسالفة أو أقول سالفة وأبدي أراء يعني اللي يقعد معي يمل :09:كرهت نفسي وكرهت الطلعات زوجي يهاوشني يقول ليش ماتطلعين وأتحجج بالعيال عندي خالاتي وجدتي وعمتي أقارب زوجي كلهم نفسي أزورهم لكن ماأقدر لأني مملة ماأسولف ولا أعرف أعلق على السالفة اللي أسمعها
يعني حالتي ميؤوس منها 
بس لما أكون جالسة مع وحدة في مثل سني أو أصغر ماعندي مشكلة وكذلك مع أهلي ماعندي مشكلة ياناس وش السواة دلوني ساعدوني كرهت الطلعات والجمعات وانعزلت بسبب هالشي وبقولكم أشياء أتوقع انها من أسباب المشكلة
قبل لا أتزوج مانطلع من البيت الا نادرا كل 3شهور مرة أو أكثر الا للمدرسة يعني مانختلط باأحد وما نسير مع أهلي ويوجه لنا أحد سؤال أمي ترد عنا ماتعطينا فرصة نتكلم فهمتوا
وش الحل برايكن واللي راعية سواليف تقولي وشلون تطلع سواليف ووش تقولن تراي مليييييت من هالوضع والناس صاروا مايعزموني ولا يسولفون معي بس وش أخبارك وأخبار عيالك وقضينا ولا عمر أحد قال عطين رقم جوالك وكلمني وش السواة وش الحل تكفون دلوني
