كرهت النـــــــــــــاس والسبب ؟؟ بنتي!!!!!

السلام عليكم ورحمه الله وبركاته
كيفكم بنات ماأبغى اطول عليكم اببدء مشكلتي على طول وارجوووووووووووووووووووووووووكم يابنات حواء ساعدوني انا والله في مصيبه مايعلمها الا الله والله اللي تعطيني حل لادعي لها بنص الليل ان الله يحقق لها كل ماتتمناه
مشكلتي هي ((بنتي )) :06: بتستغربون طبعآ ان مشكلتي مع بنتي بس احمدوا ربكم
انا عندي ثلاث بنات الله يخليهم طبعا هي البنت الثالثه والمشكله بها هي عمرها(( 11))سنه واربع عيال اثنين اكبر منها واثنين اصغر منها الله يخليهم..
المشكله انها تغار بشكل غير طبيعي عمري كله ماشفت مثل غيرتها الزايده والله يابنات ماكذب عليكم اذا صرنا مع احد صارت ضده واذا صرنا ضد احد صارت معه ومو بس معي انا وخواتها لا معي ومع خواتها ومع كل الناس تعرفهم ولا ماتعرفهم اول مره تشوفهم ولا مو اول مره تشوفهم واي احد يعجب خالتها او عماتها ويجلسون يمدحون فيه تجلس تسبه والله صرت اكره اطلع واروح لناس علشانها (تفشلني) اول مانطلع لناس ونجلس شوي يجوني البنات اللي كبرها ويقولون شوفي بنتك نلعب وتخرب علينا لعبنا اذا فاز احد من البنات تجلس تصيح وتخرب علينا تقول انا الفايزه بس اتنو تكذبون علي وهي ماهي اللي فايزه ..
تخيلوا حتى اخوها الكبير عمره بالعشرين تغار منه واخوها اللي عمر سنتين تغار منه واي احد نقول عنه انه زين تجلس تصارخ وتقول ان ازين انا جميله وانا وانا .....الخ (تجلس تمدح بروحها)والله ماافشلها واقول انتي منتي زينه لا بالعكس اجلس امدح فيها واقول انتي ازين وحده وانتي زينه..الخ(وحتى ماقول انها هي ماهي زينه ومتعقده من نفسها هي ماشاء الله زينه مره بسم الله عليها ماقول انها متعقده ولا فيها شي علشان اذا قلنا فلانه زينه قالت انا ازين منها بس ليش تسوي كذا مادري ؟؟) والله ماكذب عليكم معلمه اختها الكبيره توفت الله يرحمها وضاق صدر اختها وجلست تقول احسن اشوا انها ماتت من زينها وعه وفيها وفيها ..(لاحظوا حتى اللي متوفيه جالسه تسب فيها وهي ماقد شافتها)
واي شي نسويه تروح تعلم ابوها فيه ..آسفه طولت عليكم بس عطوني حل الله يجزاكم خير الجزاء ويفرج لكم