كرهت امي

احس سبب متاعبي بهالحياة هي امي كنت قبل اتزوج اي خاطب يجيني تبدى تضغط على اخذه باي وسيله كانت وتكلم الناس وتشكي وتهاوش خلاااااااااااص تكون حياتي في البيت عذاب وتحرض اخواني على كل العائله تضغط تضغط وتمد يدها على احيانا


الشي الي مخوفني انها كانت تدعي تدعي قدامي لاحد ما جاني واحد وافقت عليه على مضض بس يوم عرفته ايام الملكه كرهته لسؤ اخلاقه

ما قدرت اقول لاحد خايفه منهم مشيت حياتي وكنت كل ما اجيها مضروبه ومطروده ترجعني له وتقولي احملي

الحين تطلقت

كل ما اقولها انت السبب انت الي كنت تدعين على وهذي النتيجه حياتي كلها تعاسير كل شي سبحان الله يتعسر لا وظيفه لا زواج تسلط الناس على اولهم اخواني بكل شي بكل شي

كل ما اقولها تقولي انا ما دعيت وتعصب علي وتقولي قفلي الموضوع انت ابلشي بي انت فيك وفيك وفيك وتنشر الكلام في كل البيت انا ما يهمني الحين لا هي ولا اخواني انا يهمني مستقبلي ابي اتوفق باقي حياتي ابي فلوس عشان استقل عن اهلي كرهتهم وابي ابعد عنهم باي طريقه ابي زوج



وش الحل مع امي وش الحل

وللمعلوميه ابوها قاسي مثلها خالي عانا في حياته الامرين لان ابوه كان داعي عليه وكان يغصب بناته على الزواج مثل امي

جربت اني اسوي نفسي مهمومه عندها ابيها ترحمني بس ما فيه فايده تزيد والدعاء دايم ملازمها كل ما عصبت دعت علي


والله لو الانتحار حلا ل كان انتحرت بس ما ترحم ما ترحم والحين تقولي لا تتزوجين خلاص عندك عيال يعني انا مو من حقي اعيش حياتي هي تحب العيال الذكور وتقدسهم تقديس وتدعي لهم قايمه قاعده الله يوسع لهم حياتهم تمام من كل شي واذا قلت لها ادعيلي انا الله يوسع علي تقولي وش تبين بالفلوس !!!!وفوق هذا مطنشينها ما تشوفهم الا بالسنه حسنه