حبيبتي لا توسطين احد بينكم
روحي لأمك مباشره وأسأليها هل فيه فعلا خطاب يتقدمون وشوفي شتقول

الله يفرج همك ويرزقك الزوج الصالح

ويهدي امك ويحنن قلبها عليك..ويعينك على برها..

طيب اسلوبك انتي معها في البيت يعني المعاملة. كيف.

اقصد اذا قالت لك امر كيف يكون ردك .. وهل بينك وبينها تواصل .. يعني جلسة سواليف او ساعات صفا

وهل حاولتي تتوددين لها وتقدمين لها هدية لو بسيطة ؟؟؟

اسلوبي معاها زين مافيه شي .. لاهو البنت المطيعه مره مره ولا هي البنت اللي مطلعه عيون اهلها
يعني ان طلبتني شي البيها اسويلها اللي تبي اكيد
بس مو ذيك البنت اللي مره مع امها بكل صراحه يعني ..
لكن مقارنه اسلوبها معي انا ولاشي هي تسب وتلعن وتهاوش وتحرش ابوي علي وانا ساكته :44:

انا ام واكتب لك هالكلام من قلبي .. جربي ومنتي خسرانة شيء

اجلسي معها بساعة صفا وسولفي واسأليها يمه راضية علي .. واسأليها اذا متضايقة وش مضايقك فيني وابشري باللي يرضيك

وحطي ببالك انك راح تسوين اللي يرضيها ..لان مهما كان امك .. ومصيرك بيوم من الايام تجربين الامومة وبتعرفين كيف احساس الام مهما قست على عيالها

لو اختك والا اخوك والا احد اقاربك مزعلك ..قلنا هو اللي يعتذر لانه اخطا عليك بس الام حتى لو غلطت المفروض نستسمحها حتى الاب

لو زعلت عليك وتلفظت عليك اسكتي ولا تردين وحاولي اطلعي من المكان >>اذا رديتي راح تزيدين الطين بله وهذا يخلي علاقتكم متوترة اكثر ..ويخليها ماتاخذ رايك بشيء .. ولابينكم جو حوار

وبوسي راسها ويدها >>وخلي هذي عادة لك اول ماتصحين من النوم .. او اذا كانت طالعة مشوار ورجعت .. يمكن بالبداية صعبة .. لكن ابدي بالتدريج اول بوسي راسها بعدين تدرجي

حاولي تبينين لها اهتمامك فيها .. امدحي ذوقها في لبسها .. طبخة سوتها

وصدقيني شوي شوي تكسبين قلبها وراح تتغير المعاملة .. واستمري على هالشيء حتى لو ماكانت النتايج سريعة

يكفي انك راح تكسبين اجر .. وراح تتفتح لك ابواب الخبر

والله يرزقك ويرزق كل بنت بالزوج الصالح الحنون

ويرزقنا بر ابناءنا ويعينا على بر اباءنا




نسيت اقول لك اذا فيه امكانية انك ترجعين لدراستك بدل الجلسة بالبيت .. لانه راح تشغلين نفسك بشيء مفيد يطلعك من جو البيت المتوتر شوي

الله يحنن قلب امك عليك
بس اتووقع رفض العرسان لهم اسبابهم
ترى اختي يجيها عرساان ومن عند ابوي وامي اذا شاافوه مو منااسب ردووووه من غيير يسالووها
واختي مثلك تقوول انا مالي قرار ويبغوون بس اشتغل عندهم
لانه وببسااطه ماايصلح على ايش يشااوروونها