الله يعينك ويصبرك ..

بس لآتقولين كرهتهآ حرآم ..

والاخوآت جزآهم الله خير مآقصروآ ..

بكره تكبر وتعقل .. ربي يحفظهآ .. عليك بالدعآء

الله يخليكي لاتقولي كده
دي بنتك حبيبتك
انتي اتفقي مع زوجك انو مايرد
عليها وانتي حلي الموضوع
اجلسي وحطيها بحضنك
قوليلها ياماما دا مكياج حق ماما
ماينفع تحطي منو عيب الصغار
يستخدموه بكل هدوء وحب وبوسيها
وحطي عينك بعينها الين تستوعب هرجك
وقوليلها اخر شي عشان كده
ياماما انا حشيلو وارفعو بدولابي
واديكي بدالو لعبه او اي حاجه تحبها
وقوليلها شوفي حبيبي مهما تبكي
مهما تصرخي ماحتاخديه
وبوسيها واحضنيها وارفعيه منها
وجيبيلها لعبه حتى لو مو متفاعله معاكي
استمري ف الي طلبتو منك
وحطي اللعبه عندها وروحي اقعدي
ولاكأنها تبكي ولاتلتفتي لصراخها
مهما تعمل طنشي واذا حاولت تكسر
وتؤذي نفسها روحي جنبها وامسكي يدها
او ارفعي الخطر عنها
حتلاحظي انها حتمشي وراكي وتلاحقك وتبكي
استمري مطنشه حتتعب وتسكت
يوم ورى يوم حيخف البكاء وبعد حوالي 4 ايام الى اسبوع
حتسكت
بس الحل دا يبغالو شروط بدونها انتبهي تسويه
اولا تتفقو كلكم ماتردو عليها مهما عملت
مو واحد يطنش وواحد يراضي
تانيا ماتكون مريضه لاقدرالله بالقلب اوالسكر
او مرض مزمن بسم الله عليها لانو البكاء والحل دا
حيسببلها ازمه ربنا يحفظها ويحميها
الشي التالت ماتتراجعي تستمري
يعني ماتضعفي من دموعها او صوتها الخ
وخلي عينك عليها لحد ماتخلص النوبه وتسكت
صدقيني مع الوقت حتصير مطيعه وشاطره
وانصحك كتري احضان كل ماشفتيها احضنيها
وضميها لصدرك وقوليلها وحشتيني وانتي قمر
واحلى البنات وياعسل وياحلوه ومن الكلام الحلو
ترى يحسو ويفهمو والاحضان والاهتمام
بيخلو الطفل مطيع لامو واهم حاجه لاتضربي لاتصرخي
وربنا يعين الامهات
ايوا نسيت اقولك احتمال كبير تبكي وترمي حالها عليكي
او تبكي وتجي لحضنك ف الحاله دي
حطي عينك بعينها وقوليلها وهيه بتبكي حبيبي ياعمري
انا موفاهمه عليكي مااعرف ايش تبغي لانك تبكي
اسكتي وقوليلي ايش تبغي حتلاقيها فرحت انك استجبت لها
استغلي الفرصه وقولي ياحبيبي انا احبك وماابغاكي تبكي
انتي كبيره تعالي لحضني واسكتي وغيري الموضوع
وقوليلها حقولك قصه حلوه صدقيني الاسلوب دا
انا متبعاه ويجيب نتيجه بس للاسف احيانا اضعف
لان واحد من اطفالي يقطع القلب لما يبكي فماصرت استخدمو معاه
لجأت لاسلوب تاني الله يصبرنا

ياقلبي خذيلها العاب مكياج حقه الاطفال اعتقد شفتها مره عند الحسين..

واذا على البكي.. ترا سبحان الله القران يريييح اقري عليها اي شي ومسجي راسها والله تهدى كثيييير....
واعرف خانك التعبير في عنوان موضوعك...الله يوفقك لما يحب ويرضا..

اتوقع بنتك غيرااااااااااااااانة بس وتسوي كذا تلفت الانتباه لااكثر هي ماتبي مكياج وبس هي تبي حناااااان والله يعين

حبيبتي لا تقولي كذا ,, ياما فيه اطفال يجننو اهلهم بحركاتهم ,,
بنتك انتي قلتيها
(( ))

يعني الموضوع غيره وخوف انك تنسيها بالبيبي الجديد ,,
انتي زيدي اهتمامك فيها واحضنيها كثير وبوسيها ,,
وخصصي لها وقت تتكلمي وتلعبي معاها ,, واتفقي مع زوجك
ماتديها مكياج هذا شي بيضرها ,,
اذا صار لها نوبتها العصبيه قربي منها وامسكيها بشويش وانتي خليك
هاديه وقولي لها انا مو فاهمه عليك ,, اذا هديتي تعالي قولي لي
اش تبغي ,,
وروحي ابعدي عنها ولا تكلميها ,, بتزيد البكاء والصراخ ,,
ارجعي امسكي يدها وطالعي فيها وقوليي لها ماراح اكلمك قبل ماتهدي
وطنشيها ,, مهما سوت
بتمل وتشوف انك جاده وبتخف نوبة صياحها ,,وبتجي لك ضميها
وقولي لها انا احبك ياماما ,, وكذا لما تهدا ,,
واتكلمي معاها بهدوء ياماما هذي حقة ماما ومو حلو تلعبي باغراض الماما
وانتي حلوة وشطوره وماتخربي اغراض الماما ..
ولانك اموره وتسمعي الكلام بشتري لك هديه وكذا

وانتي طبعا لا تنسي تقري عليها وتحصنيها وتدعي لها في صلاتك
الله يصلحها ويهديها ويرزقك برها