يا الله يساعدك و يفك عنك ضيقتك.....
اختي شوفي ها الطريقة المجربه و ما تخيب باذن الله...

انتي تقولين انه يجي من برة زعلان و متضايق و يحط حرته فيكي....صح؟

طيب اذا كان جاي غضبان انزعي منه فتيل الغضب...
بتقولي لي كيف ؟؟؟؟؟








أقلك......









الغضب من الشيطان... و الشيطان ما يقدر على سورة البقرة.....

لاتخلي 3 ايام تمر على بيتك من دون ما تقرين فيه سورة البقرة.
كل كم صفحة بغرفه...أو قسميها بينك و بين أولادك...

المهم استمري على ها الطريقه تلاقي في البداية صعوبه...
تقولين ليش؟؟؟



أقلك






لأن ابليس ما راح يخليكي تطرديه...فيحاول يصور لك ان قرائة البقرة جابت نتائج عكس ما كنتي تتمني....

مثلا بدل ما تصير الخناقه داخل البيت ...يجركم لبره عشان تحصل....أعوذ بالله منه مكار


عاد انتي التزمي و توكلي على الله ما يضرك كيده و لا تخلي حركاته تضعفك عن الاستمرار.

تلاقي زوجك جاي غضبان و متضايق ..الا عند عتبة الباب باذن الله يروح عنه اللي فيه كأنه نعال و خلعها:) و يجلس عادي و مرتاح.




و طريقه ثانية ملازمه للأولي..... حبيبتي النبي صلى الله عليه و سلم قال بما معناه أن الغضب من الشيطان و الشيطان من نار فاذا احس احدكم بذلك فليتبرد بالماء يزول ما فيه أو كما قال عليه الصلاة و السلام

عاد انتي خلي في بيتكم عاده اغرسيها شوي شوي......

اذا دخل عليكي زوجك استقبليه عند الباب بابتسامه .... تشرح القلب المهموم و تنالي فيها درجات و مسرات و فضل((اذا نظر اليها سرته))
و تكوني مجهزه مرة كوب ماء بااااااااارد منعش
مرة ليمون بالنعناع مهدي للأعصاب
مرة عصير فواكة شكله غريب عجيب يشرح القلب
اللي هو، المهم شي يشربه و تهدي نفسه لو كانت مشتعله.


حبيبتي همسه اخيره و سامحيني على الاطاله ....

اذا تبينه يتغير ابدأي من نفسك...غيري بعض الأمور من نفسك بنية صافيه صادقه....... يتغير لك زوجك باذن الله... و تذكري ان الأمور حجمها على حسب ما نتصور...اذا كبرناها صارت كبيره و اذا صغرناها صغرت و الله المستعان

هلا أختي العامريه ..

الله يكون بعونك يا عمري ويكفيك شر من في نفسه شر

لا أزيد على كلام اختي (( هبات مدنيه )) قالت اللي ابي اقوله ..

فعلا إذا تبينه يتغير أبدئي من نفسك .. واعملي بالخطوات التي رسمتها لك

بإذن الله راح تلاحظين الفرق في وقت قصير , وها الطرق راح تحبب له البيت والعوده لكم سريعا بشوق ولهفه

واللة العظيم يابنات انا مقهورة عشان حنا معطين هالازواج وجة زيادة عن اللزوم وهم ولا معبرينا,,, نحافظ عليهم وعلى بيوتهم وعيالهم وانتزين عشانهم ونسويلهم ليالي رومانسي ونتحمل البيت والشغل ولانشكي ولانعترض وهم الواحد لو يتهاوش مع احد برا جاء وحط حرتة في زوجتة يعني حنا وش مستفيدين من هالحياة نكد وقصرة عمر... نصيحة لكل وحدة لايكون زوجها محور حياتها ولاتعتمد علية بكل شي وتصير كأنها ضايعة بدونة الوحدة لما شخصيتها تكون قوية راح يحترمها الزوج غصب عنة... ليش الوحدة مستعدة تتنازل عن كل شي حتى كرامتها عشان زوجها وهو ولا عمرة فكر فيها يسوي الي يبي ويقول ان الرجل حر من قال انة حر يدوس عليهاوعلى كرامتها بصراحة لما اقرا مشاكل البنات في المنتدى انقهر ليش هم مستسلمين لهالدرجة ياشيخة بلا زواج بلا هم اذا هذي اخرتها......يمكن صراحتي ماتعجب البعض بس انا مااقدر اسكت على الظلم وسامحوني..

حبيبتي العامريه حاولي تمتصين زعل زوجك وغضبه حتى لوماكنتي السبب بطريقه غير النقاش يعني كل زوجه لها طريقه مع زوجها تعرف ايش مزعله ومنرفزه ، سويله ليله رومانسيه أوعشاء رومانسي فاجئيه بهديه أي شي تقدرين عليه يقربك منه وتعرفين سبب زعله.........والله يسخره لك وأدعي ربك يفرجها .

تدرين اذا قلت لزوجي وش ذنبي تطلع حرتك فيني
يقول خلاص تبيني اطلعها في واحده ثانيه؟؟؟؟!!!!


لا وازيدك من الشعر بيت حتى لو كنت ماني فيه يدق علي ويهاوش يطللع اللي في خاطره

التطنيش احسن شي