وعليكم السلام ورحمة الله وبركاته ..

تبارك الله لا قوة الا بالله مبااارك عليج الحمل وربي يتمم عليج على خير وتفرحين فيه يارب

وماعليج من كلام اللي حوالينج ولا يخربون عليج فرحتج

اختي ترى صحيح التربيه صعبه ولكن مايقول هالكلام الا اللي ما تثقف ولا قرأ ولا استعد للتربيه

بالعكس التربيه شي ممتع وحلو ويبيله صبر وطولة بال.. واحمدي ربج على النعمه اللي اعطاج اياها

وادعي ان الله يعينج ويسهل عليج ويهون عليج .. ويعينج على تربيته التربيه الصحيحه على ما يرضي الله

ومادري بس احس انج حنونه ماشا ءالله ^^ خخخخ الله يحفظج

خواتي يسلموووو على الردود الحلوه ... انا هذا راي كمان انهم متعبين بس حلوين بنفس الوقت :)

خواتي العزيزات .. ديانا و نور .. الله يرزقكم حبيباتي بالذريه الصالحه المعافاة و يفرج همكم يا رب ...

مبروك حملك والله يتمم لك على خير
ماشاء الله عندي بنتين وولد مالين لي حياتي مع انهم الله يخليهم قالبين لي حياتي في الإجازة بس ما أتخيل حياتي بدونهم لو ثلاثتهم طلعوا من البيت الي مشوار مع احد من العيلة تعالي شوفي البيت ما ينبغى
بتمر عليك لحظات تتمنين انك اساسا ما تزوجتي وانجبتي عيال لكنهم في النهاية زينة الحياة الدنيا
الله يرزقك وتشوفين ال أقوله ورزقني أخ لولدي عاجل غير آجل

ما عليك منهم ادعي بس ان الله يعينك على تربيتهم وبس انا اشوف اللي يستعين بالله الله يسهل عليه كل شي الله ذكر في القران المال والبنون زينة الحياة الدنيا زينه وش اكثر من كذا انبسطي حبيبتي وتمتعي وانتي تجهزي للبيبي واقرأي عن تربية وتغذية البيبي وزي ما طنشتي سالفة تاخر حملك طنشي كلام الناس اللي لا يودي ولا يجيب

حرام اتنكدي ع حالك عشان اسباب سخيفة
انبسطي بالحمل شهر بشهر واستني ابنك وافرحي
والله ما في بعد الاولاد