الحمد لله صدق حالتك صعبة لكن لو فكرتي شوي
ترى الصحة والعافية كل شئ بالدنيا
اذا جيتي تنامين تذكري انه فيه ناس يتقلبون من الجوع
فيه ناس يتقلبون في السجون
وفيه ناس يتقلبون من الأمراض
الله يعافيهم ولا يبتلينا
سبحان الله ماتدرين الحين هو يساعد أهله ربي بيفرجها عليكم ويفتحها
مافيه شئ عند الله يضيع
تخيلي نفسك مكان اهله وماعندك غير ولد واحد من بينهم كلهم يقدر يصرف عليكم
الحمد لله الذي لايحمد على مكروه سواه
كل ماجيتي تنامين تذكري انك بخير وعافيه انت وزوجك و اطفالك
وتذكري ان لك بيت يلمكم وفوق كذا نعمة الأمان
وش حال الي بلدهم فيها حروب من جد مايقدرون ينامون ليل ونهار_الله يفرج عليهم_
الله تعالى وعد الصابرين انه يعوضهم ودائما تذكري (ولئن شكرتم لأزيدنكم)
دايم احمدي ربك وتشوفين راح يعوضك ويرزقكم
انا أقترح عليك تتوظفين بمشغل نسائي يعني تسوين استشوار تشقير حواجب تساريح
هذي الأشياء راح تتعلميها بسرعة ومايبيلها مهارة
انا قريبتي كذا مرررة حالتهم صعبة مرة هي بنت مو متزوجة وأبوها راتبه قليل حدود 4000وماشاء الله تبارك الله واجدين
مرة ترحمينهم وسبحان الله اشتغلت في مشغل تسوي استشوار وماشاء الله تبارك الله يعطونها 1500 وبعدين زادوها وعطوها1800
مرة مبسوطة صايرة تكشخ وتعطي امها وخواتها وأي شئ تبيه تشتريه وما تستنى ابوها
يعني الحمد لله باب الرزق مفتوح لأنه بيد الله سبحانه وتعالى والله يرزقنا أجمعين
اللهم آمين

ادري انه مو قانون ان وحده تصبغ وتقص بعد النفاس
بس احنا عندنا كذا
واذا ماصبغتي وغيرتي من شكلك يقعدو يقولو ليه وليه لازم تغيري واسأله كثيره تغث
بعدين ولا شي من هالشغلات اللي قلتيها اعرف اسويها :(


ياحبيبتي حتى انا حولي كثير يصبغون ويقصون وينقشون حناء كمان وانا فنفاسي الاول صبغت فالبيت طبعا
فنفاسي الثاني لا

كملي دراستك ياقمر ولاتقولين مو مهم لا لا مهمة وقت الحاجة ولو في مدارس اهليه

زوجك ملزوم انه يصرف عليك وبعدين انتي طالعه من نفاس ملزوم لو في هذه المناسبه انه يعطيك مياخذ منك الله يهديه
وانتي لاتعودينه على انك تتنازلين عن حقك لو يريد يتزوج عليك راح يدبر عمره وهو يوم تزوجك مافكر انه قد الزواج ولا ليش يظلم الحرمه لو جلست في بيت اهلها ابركلها
ومايحس في النار الا رجل واطيها

الله يفرج همك ويعينك
واهم شي انك بصحه وعافيه