كرهت زوجي

بنات انا رح انجلط لو ما احكي
عندي 3 سنوات زواج متزوجة ابن خالي المهم من اول ما تزوجت و هو كل مرة يسلبني حاجة مررررة اعتبرها مهمة
مثلا كنت احط مكياج و كرمالو بطلت
كنت البس سراويل و اول ما تزوجتو صرت بس بالعباية
ها الشي ترى كويس و ما اشتكي منو
بس هو حرمني من اعز صديقاتي لا بدو اكلمهم ولا احكيهم و انا من كثرة الضغط و المشاكل وافقت و تخليت عنهم
و بعدين وحدة وحدة قعد يضغط عليا حتى اهلي ما عاد اكلمهم الا مرة في الشهر و لما قلتلو ما يصير كذا ترا هاذي امي و لازم احكي معاها قالي انتي عندك زوجك ولازم تسمعينه و تطيعينه و ما تفوتينه لدرجة انو خيرني بينو و بين امي و في النهاية اخترتو و امي المسكينة ما اتصل عليها الا بالشهر مرة و اخواتي ممكن تلحق لمرة ب 3 اشهر
و للعلم انا ساكنة لحالي في أمريكا و أهلي مو معي قلتلو بما اني انا على طول في البيت خليني اشتغل شغلانة اسلي فيها حالي و منها اطلع شوي من البيت لانو انت على طول بتشتغل
قال لا
قلتلو سجلني في مدرسة اتعلم انجليزي
قال لا
انا ما احب مرا تطلع برا البيت
اضافة لهاذا
مانع عليا وسائل التواصل الاجتماعي
و لما اشتكيلو من طفشتي بالبيت يقولي لأنك شبعتي من الخير
و فوق كل هاذا عندو مرة مشاكل بالانجاب و حاولت معو اكثر من مرة انو نتكفل بيتيم فرفض
يعني بدو اظل بالبيت بدون اطفال لا ادرس و لا اشتغل و احكي و اعرف حدا و لا اطلع و لا اعمل صديقات و لا و لا.........
و الادهى و الأمر انو في آخر فترة طلبت منو انو يسجلني او يسمحلي انو اسجل في اكادمية لحفظ القرآن رفض قال انو ما يوثق بحدا احفظي بالبيت مو لازم تتعلمي احكام
و انا مرة اتضايقت و رحت سجلت لحالي و بعدين ما قدرت انو ادرس خفية عنو قلت انو لازم يعرف لما قلتلو صار يصرخ و يقولي انو مستحيل يسامحني لاني خنتو و خنت ثقتو و اني مو زوجة صالحة ...... و صار يخبط و طلع برا البيت
و انا متأكدة انو لما يهدأ راح يرجع يخيرني بينو و بين الاكادمية تبع القرآن
انا طفشت و مليت و كل يوم اقول اتطلق و ارتاح
اسفة على الإطالة ساعدوني و حطو حالكم محلي