كرهت زوجي وابي الطلاق ............ لكني احبه وابيه ((((مين تقدر تفهمني))))

مو عارفه من وين ابتدي .. وين انتهي
ولا عارفه كيف اتصرف .. ويش اقول

كرهت زوجي بدون مقدمات
صار لي شهر مو طايقه اشوف وجهه
على اقل شي نتهاوش وتصير مشكله
مدري شاللي صار ....... هل نفسيتي تعبت وخلاص ماعدت اقدر اتحمل .........
هل عين ............. هل هي شي ثاني
عجزت وانا افكر

اسمعوا الاسباب اللي تخليني اقول (( انها ممكن تكون مشكله نفسيه))
اولاً زوجي ضعيف مادياً لدرجة ان مانقدر نشتري شي غير اغراض البيت
وآخذ مصروف بين وقت وقت من اهلي ((ماهي حلوه طبعاً))
لكن غصبن عني :(

ثانياً مقصر معاي من الناحيه الزوجيه كثييييييييييييييير
.... يعني هذاك الشي مره الى مرتين بالشهر بالحالات العاديه :09:
احس عمري 50 سنه مو كأن توي
دايم اذا حس ان ودي بهالشي يبدء يلمح
- اليوم تعباااااااااااااااااااااااااااااان
- والله اليوم كان عندنا شغل كثير بالدوام
- فيني حكه بجسمي
الخ الخ من اعذار وهميه عشان مايصير ذاك الشي

حياتنا بالبيت ملل .. هو لاهي مع التلفزيون والكمبيوتر والعاب الجوال
وانا يااما عالنت ولا اشوف لي اي شغله اسويها

يعني كأنه اخوي
كرهت البس .. كرهت اسوي شعري ..الخ الخ
لاتقولين لا المفروض تسوين العكس و و و و ... جربت كل شي مافاد وياه
سواء سويت ولا ماسويت عادي عنده
ولمين البس واكشخ
صار اهم شي عندي النظافه .. واني اكون مرتبه .. بلبسي

محبوسه بالبيت 24 ساعه
مايبيني اتعرف على احد .. ولا اروح لأحد
يطلعني من فتره لفتره للسوق نتمشى بالحسره طبعا ... بس نطلع
وطول مااحنا نمشي هاه خلصتي .......خلصتي ................ خلصتي
يعني كأنه جايبني اشوف باب المجمع واطلع

مافيه رومانسيه .. مافيه حياة زوجيه

مع هذا كله .... والله ياناس كنت احبه واموت فيه .... ماشاء الله




الشي اللي مخليني اقول يمكن عين
اول الزواج حلمت حلم وفسره لي شيخ مفسر احلام .. انه سحر او حسد
وبالفعل ماقدر يدخل علي
مو منه ............... مني انا كنت كارهته
بالقراه .. والسدر , و و و و و و
صارت امورنا اوكي ماشاء الله
الحين صار لي شهر كارهته نفس كرهي الاولي
وحاسه برضو بنفور يعني هو ينفر مني

يعني الامور اللي قلتها قبل شوي انها نفسيه .. لها الحين 4 سنوات تقريباً فترة زواجنا وانا متحمله واحيان اطنش يعني احاول امشي حياتي

لكن صار لي شهر لايعه كبدي
واليوم طلعت من غرفتي ورحت انام مع عيالي
لاني ماعدت طايقته
وهو استانس




بنات عاجزه عن التفكير ابي نصايحكم
حالياً احس اني ماابي شي غير الطلاق
والله يابنات احبه .. الى الحين احبه واموت فيه ما شاء الله ................بس مدري شفيني كرهته كذا
يعني احبه .. بس كارهته ((( كيف اشرح)))
يعني لما اشوفه قدامي ودي اتهاوش معه .........
اتنرفز منه .. ..........
وماودي يقرب لي او يحط ايده علي
احس في هالشهر مااشوف شي غير عيوبه
كأن احد قاعد ويعددهم فوق راسي
لدرجة اني قلت له انا مدري كيف وافقت عليك وانت مطلق (((تخيلو كأن تونا متزوجين)))
اقول كلام مااحس فيه .. مااحس بنفسي
ونتهاوش
بس قلبي يحن له بعد كذا
ونرجع مره ثانيه نتهاوش ويحن له قلبي ونرجع نتهاوش وهكذا
صار لنا شهر على هالموال
قبل هالشهر كانت حياتنا اوكي فيما عدا ال 6 شهور الاولى من الزواج
كنت اكرهه برضو
انا محافظه على الرقيه كل يوم


ادري تناقض بكلامي
مدري اذا احد ممكن انه يفهمني
هذا الي قدرت اكتبه ...................... نفسيتي عددددددددددددددم
مو عارفه اعبر
صار لي ساعه قدام الكيي بورد


اللي ماعندها حل
ادعوا لي الله يجزاكم خير
الله يهدي بالي ويرجع الاستقرار لحياتنا
ويسخر لي زوجي ويحنن قلبه علي
واذا كان احد مسوي شي الله يرد كيدهم في نحورهم