كرهت سناب المشهورات للسبب هذا

اقسم بالله
يابنات اني كرهت اتابع سناب المشهورات
صرت أفضل اتابع سنابات الرجال المشاهير
لاعندهم مظاهر ولا غيره انا مدمنه سناب
يعني احب اتابع كثير
قبل كنت تقريبا اتابع اغلب المشهورات
لكن جابو الغثيان بحركاتهم واستعراضهم
صحيح فيه مو مشهورات يسون كذا بس بفهم المشهورات
اللي يسون كذا وش يبون يوصلون له بالضبط
مثلا
وحده مشهوره تصور يدها وهي ماسكه شي
وتجلس تصور محادثات البنات
واو يدك تجنن بيضاء
يدك تخقق ولا كله كوم واللي تقول بعذرك رجلك
يحبك ومدلعك خاق على بياضك!!
ولا اللي تصور زيت فجاه تصور محادثه
قريبتها او صديقتها يجلسون يقولون فيها شعر
زي
ليش تحطين زيت
شعرك حرير وكثيف واسود وطويل
من يوم انك بنت نذكر شكلك تجنني
ولا اللي تجي تصور صديقات او قريبات يوصفون شكلها
تحسين قاعدين يوصفون حور عين
موب انسانه مثلي مثلها
زي والله نذكرك من ايام الثانوي
الكل خاق على جسمك وشعرك وجمالك
ياحظ زوجك
او مانلوم زوجك خاق عليك !!
اللي تنزل زي هالكلام بفهم وش تبي توصله بالضبط
خاصه اذا كانت متزوجه !!
والله تو اتابع سناب مشهوره
وعندها بنتين
لاحظت دايم تنزل مدح بشكلها
قبل فتره نزلت مدح عن يدينها
والحين عن شعرها ان وحده داخله عليها خاص
وتقول نذكرك ايام الثانوي شعرك يجنن اسود وحرير وطويل
ماينلام زوجك مدلعك !!
يعني يحسسونك بس البيضاء
واللي شعرها حرير واسود
واللي جسمها حلو
واللي يدينها بيضاء
هذي اللي لازم زوجها يخق عليها
اما انتي ي سمراء
او ياللي شعرك خفيف
وخشن
او يالقصيره وسمينه
مالك حق ان زوجك يحبك ويموت فيك
لان مو متوفره فيك صفات المشهورات
اللي جالسين يتغزلون فيهم والمهابيل ينزلون
يعني بفهم تنزل للناس ليش
وهي مشهوره
يعني شوفو تراني حلوه؟
وبيضاء؟
وشعري طويل واسود ؟
وجسمي حلو ماكاني جبت بنات ؟
قسم شي مقررررررف صاير مجتمع الحريم
بالذات المتزوجات لو بنات ماعليهم شرهه
لكن تجي متزوجه وعندها كومة عيال وتسوي الحركات هذي
للأسف اشوف هالشي نقص
وتبي تحسس الناس انها جميله