كرهت شكلي والسبب زوجي << التفاصيل داخل

السلام عليكم ورحمه الله .. كيفك يابنات حواء.. بنات بقولكم مشكلتي على طول بدون مقدمات
اولا ماابغاكم تدعون على زوجي ماراح نكسب شي .. وراح اتعب زيااده .. وبنتي تصير يتيمه .. فالافضل تدعون له بالهدايه وان الله يزيني في نظره ويملا قلبه حب ليه انا وبس ..
المهم:
مشكلتي اني كنت جريئه ومرحه وشخصيه قويه وكنت اتكلم بلباقه حتى لو المجلس مليان .. بعد ماتزوجت صارت مشاكل بيني وبين زوجي لدرجه انه يقولي ي خنزيره والخنزير يكرم ويقولي انتي قرده وانتي وانتي << كلام مااقدر اقوله في حقي .. ودايم ينتقد وجهي مايعجبه شكلي لين صرت اكره انه يطالع فيني مع العلم اني الحمد لله ماني مشوهه ولا حولا ولا ناقصني شي انسانه عاديه جدا مو جميله ولا قبيحه .. ولما يكلمني ارتبك واحسه انه يركز في ملامحي ولان تركيزي صار في نظراته صرت مااعرف ارد عليه في كلامي وصار كلامي ملخبط لدرجه مو طبيعيه .. ملخبط حتى مع الناس ..ومن اقل شي صرت ابكي حتى لو اتفرج فيلم او اسمع عن قصه ابكي بانهيار انا ماكنت كذا ابداااا .. وخصوصا مع زوجي لما يتكلم في شكلي على طول ابكي بانهيار وادعي عليه من قلبي ..واحس ان شخصيتي مو زي من اول حتى كلامي مو زي من اول مافي اي لباقه .. حتى لما اجي اتكلم عن قصه صارت معي مااعرف اقول احداثها اتلخبط مرره واعرق وارتجف وانخنق من البكيه لان النظرات كلها علي فما اقول الشي المهم في القصه .. اقول الشي التافه بس .والله العظيم يابنات بنتي صغيره 3 سنين تتكلم احسن مني ماشا الله لاقوة الا بالله .. ومن كثر مشاكلنا بنتي صار فيها تأتأه .. فياليت تساعدوني كيف ارجع زي من اول اتكلم بكل لباقه وجرائه ؟؟ وماراح انساكم من الدعاء .. اسال المولى تعالى ان يحقق لكم ماتتمنون .. في انتظاركم ياغوالي.

ملاحظه
انا عضوة جديده مااقدر ارد اكثر من 6 مرات في اليوم