كرهت كل برامج التواصل من هالفئه المشكلة يزيدون ماينقصون

السلام عليكم ورحمة الله وبركااته ،مسائكن خيرر وهدؤء وطمأنينه،يابنات ابغاكم تقرأون موضوعي من أوله الى آخره ماهو تقرأون اول سطر وتجون تركضون وتتهجمون ولاتقولون تبالغين قسم بالله هاذا الي حاصل وبكثره انا متعجبه من الحريم معقوله إحنا أمه محمد صلى الله عليه وسلم إحنا مسلمين يطلع منا هاذا ايش صاير بألسنه الحريم كلها سب وشتم ودعاوي واستحقار للأخرين قسم بالله ماأدخل برنامج من برامج التواصل الاجتماعي إلا أحصل العينة ذي ماهي وحده ولاثنتين لا الاغلبيه بعضكم يقول نفسيات ماهو معقوله كل هاذولي نفسيات إلا بعضها بكامل عقلها بس سبحان الله ماترتاح الا لما تطلع لسانها ع الناس، عندكم مثال الإنستقرام وربي بديت اكرهه من هالحريم لما وحده تجي تنزل صوره بيتها سوآ يجنن او عادي علشان الناس ياخذون افكار تعالي شوفي الردود القبيحه ويع خايس ياعديمه الذوق ماتعرفين تختارين الأثاث كل هالألفاظ موجوده بكل التعليقات وبكثره المشكله اذا خاطبيتيهم ووضحتي لهم ان اسلوبكم وكلامكم غلط تقول يعني ماأقول رأيي ماأبغا اجامل ياختي قولي رأيك ولاتجاملين بس بأسلوب ارقئ وكلام محترم بعضها تتهجم وتسب استغفر الله طيب هاذا بيت الحرمه وعاجبها أقل شي اذا مو عاجبك عادي اسكتي او قولي الله يهنيك ببيتك ،مره وحده منزلة ضيافتها بأحد التعليقات وحده تقول يافقيره ايش هالضيافه الناس يحطون شكولت فخم!!!!! لهدرجه صار عندنا عادي نستحقر الناس طيب ممكن انتي تقطين كلمة وتطلعين وتنسين لكن الانسانه الي غلطتي عليها ماراح تنسى ممكن تدعي عليك ليل ونهار لما أدخل حساب تاجره تعرض بضاعتها ولاهو عيب ولاحرام تلقين وحده تدخل حسابها وتقط عليها كلام يابياعه بضاعتك خايسه مثلك لما ادخل حساب طبخ ومفيد احصل ردود حسابك تااافه وخايس يالله صاروا كل الناس تافهين وخايسين وانتم والسنتكم مافي مثلكم؟؟ شفت وحده منزله صور أكل ترد عليها وحده لاتعرفها ولاشي تقول جعله مايتحدر الأكل معقوله ادعي على المسلمين بدون سبب ماهو عاجبني الحساب اطلع منه بدون ماأضايق الاخرين نفس الشئ صار المنتديات هجوم وسب واستحقار المشكله تلقين الوحده حاطه بالتوقيع شريط حمل أو عندها بزران وهاذا لسانها كذا اجل اطفالها كيف بتربيهم ايش بيطلعون بديت اخاف من الاجيال القادمه،انا كتبت الالفاظ صريحه ماهي نقاط وفراغات علشان تحسون وش كثر توجع القلب ياما ناس تضايقت وبكت صدقوني لما توضعين بقبرك ووحيده راح تبكين دم راح يوم القيامه توقفين بين يد الخلاق العليم وراح يجون الناس كلهم الي تهجمتي وغلطتي عليهم يأخذون حقهم ترا المسأله مو سهلة خلاص اسب واقط كلام قبيح وانسى لا حبيبتي كل صغيره وكبيره بتشوفينها قدامك يوم الحساب دائما ادعي ربك يارب احفظ لساني عن العالمين) ،،،،،،،،،
بالنهااااااايه ياليت موضوعي مايروح آخر الصفحات والمواضيع الي كلها سب وهواش احصلها أول الصفحات انا كتبت موضوعي ماأبغى شكر او مدح ابغى بس الواحد ينتفع فيه وكثير فيهم خيرر والحمدلله وصلى اللهم وسلم ع محمد وعلى آله وصحبه اجمعين