كرهت كل شي بسببهم

بسم الله ارحمن الرحيم
اشكر صديقتي الغاليه نادرا انها سمحت لي افضفض (الله يشفيها ويشرح صدرها )
هذي ثاني مره اخذ معرفها :hahaha:
انا عندي ماشاالله اربع خوات وبركتهم منزوعه سبحان الخالق
الكبيره اكبر مني ب خمس سنين من انولدت وهيا في عالم لحالها ولاتعتبرني اختها ولاتسولف معي بالعكس تتهزاء فيي عند الناس وادا احد احرجني تضحك ولا تدافع عني واذا احد من زميلاتها دعاها لعزومه وقالها قولي لاختك ماتخليني اروح معها تقول مادعوك اصلا وكلام كثييييييير من الطفوله لليوم ماسي معها
الله ينصرني وياجرني
اللي اصغر منها اكبر مني بشويه كانت عللافتنا عاديه بحكم انها اقرب وحده عمر ليا كانت علاقتنا عاديه هيا تزوجت وسافرت ورحعت من 3 سنين
الا انه علاقتنا الان مقطووووووووووووووووووووعه بسبب غيرتها مني جننتي هيا احسن من حالتي بمليون مره وعينها عليا ماحتتخيلوا ادا تكلمت مع احد تكشر وتحاول تاخد السالفه مني اذا شريت حاجه تعيب عليها وتشتري مثلها والله امور كثير ابكي منها لاتتخيلونها سخيفه حتى بنتها ماشاء الله احسن من بنتي في كل حاجه وماسلمت بنتي من غيرتها
والثالثه قصتها قصه هيا نفس حالة اللي فوق ^ غيره وحقد وهمها نفسها فقط لكن من سنوات اكثيره اكتشفت انها تتكلم مع صديقتها كلام مو زين وصديقتها تقنعها بحاجه غلط وقلت لها اذا سويتي هالشي بعلم اهلي عشان ترتدع وبعدها قاطعتني نهائيا من 8 سنين ماخليت حاجه ماسويتها لها لعشان ترجع لكن البنت ماعد اعترفت فيا وجودي وعدمي واحد مع ان الموضوع انتهى وهيا تركت زميلتها لكن حقدت علي واذا شافتني تتجاهل وجودي الله ينصرني

الصغيره الاخيره لسى صغيره في المتوسط لكن شخصيتها قويه وتتعامل معي بدون احترام لكن لصغر عمرها ماححاسبها انا زعلي من المتزوجات اللي اكبر منها

باختصار يغارون مني يحقدون انانيات كنت ارد جفاءهم بجفاء واذا غلطوا عليا اكبر الموضوع ومااسامحهم لفتره لكن يزيدوا لؤم اعترف اني قسيت عليهم في فترة خلافاتنا وعاملهم باسوء من ما يعاملوني لدرجة اني من قهري منهم حقدت عليهم وصرت اتذكر الماضي واحاول افشلهم واحرجهم عند الناس مثل ماكانوا يسوون لي لكن مع قسوتي عليهم كنت افكر فيهم وافكر لهم بالخير وهما العكس

تعبت والله تعبت من الهم الي انا فيه جربت الشده والين مامشت الامور علاقتنا كل مره اسوؤ من قبلها في كل مره التقي فيهم ارجع والهم كاسرني لكن دعائي ان الله ينصرني عليهم ويسخرهم ليا

ومعلومه اخرى انا اقل وحده في الحاله الماديه وعلاقتهم معا بعص مصالح وانا اذا شفتهم او اجتمعنا يتاجاهلوني في كلامي وخليت جلستي مع الصغيره اللي بالمتوسط وهم ماخذين السوالف والحكي مع بعض مع انهم بينهم خلافات بس يقدروا يتحملوا بعض

مانكر انه كان بينا حاجات حلوه جمعتنا ----لكن الوضع الحينه ماساوي اسمع فيهم واشوفهم ومامن علاقه --وماارضى فيهم الشر ولا ارضى ان احد يدعي عليهم لان اي احد بيدعي عليهم بدون حق دعاءه بيرجع له --
لكن غيرتهم وانانيتهم هلكتني --انا ليا مشاكلي الزوجيه وحواتي زادوا همي هم --انصحوني وادعوا ان الله ينصرني عليهم ويالف بين قلوبنا المتشتته ويصلح اموري

وادعوا لنادره بالشفاء وانشراح الصدر جزاها الله عني خير
اتمنى محد يرد بقساوه والله العظيم اني لسى جايه من عياده وحالتي حاله ---لكن لاني مقهوره من موقف اختي معي امس قلت اذا مافضفضت اليوم حنفجر
قال الرسول صلى الله عليه وسلم (من كان يؤمن بالله واليوم الاخر فليقل خير او ليصمت )