اتفق مع البنات ماشاء الله مطبخك جميل وانيق

اللي عليك الان تطلعين الفائض من الاواني والاشياء الي نادر تستخدمينها وتسبب زحمه

فيه مقسمات ورفوف تساعد ع الترتيب تلقينها في دايسو و ايكيا

وشوفي حساب أم شهودي في الانستقرام تحب هالاشياء ماشاء الله استفيدي منها

اختي ما أحس إن البهارات مكانها الدرج..
أنا بهاراتي خصصت لها الدولاب العلوي مرة مريح بسهولة أمد يدي وآخذ الي أبيه.
الأدراج حطيت فيهم سلال ووزعت الملاعق والأكياس والأدوات الصغيرة وهالأشياء.


وخصصت دولاب سفلي للأجهزة الخلاط والشواية والعجانة.
ودولاب ثاني للشايات والسكر والعسل والكوفيات.
وتحت الحوض للصواني.


أحس مطبخك ما شا الله فيه مساحة ودواليب عددها حلو.

البنات ماقصرو لكن بفيدك في مسآلة عرض الدرج
لانها تتعبني الادراج العاديه وانا حامل فجبت سله مستطيله او ثنتين حسب استيعاب درجك حطيت فيها الاشياء زي المنظم يعني وصرت لما ابغى شي اسحب السله زي الدرج ونفعت الحركه وعطت الدولاب شكل جميييييل