محتارة و مو عارفة أقرر و اللي معذبني اني بين خيارين مو عارفة منو أمر من الثاني عمري 27 سنة معلمة أهلية متورطة بأخ شكاك لدرجة المرض كان اول راعي خرابيط و انسجن في حبوب منشطة و مرة كلمت مراة للبيت تطلبه بكل بساطة و على عينك يا تاجر و بعدين لما خلصت سوالفه التفتلي و صرت شغله الشاغل شلبست وين طلعت مين اكلم شقاعده اسوي عالنت حتى الكتب اللي من المكتبة مراقبها يفتش بجوالي ادراجي بين ملابسي يقرا كشاكيلي و المشكلة ان مو هذا اللي قالقني لاني ماعندي خرابيط المشكلة انه حتى لو مالقى يفتعل مشكلة عشان يسحب الجوال و يقفل النت و يحرمني من الطلعة و وين لوين لما امي تقنعه يفك عني لاني ماسويت شي و هذي حالته مره تستقر و مره تسوء و الوالد شايل ايده من المسؤوليه من زمااان المهم عشان كذا كنت مستعجله اتزوج بس مو لدرجة اني اوافق على اللي عرفته بعدين عن زوجي ابوي قال انه مايعرف الرجال و بيسال عنه قالي انه موظف ارامكو مقتدر امه متوفيه بنعيش مع اهله بس بشقة منفصله اهله ابوه و خواته و اخوه المتزوج وله بنت و خريج ثانوي وافقت ملكت اصريت اكلمه رغم نصيحة امي و صديقاتي لاني حابه اتعرف عليه 4شهور بديت اشك انه بخيل و كذا مره تبينلي انه يكذب طبعا لانه يغير كلامه و ينسى انه قال كلام مختلف وفي هالفترة كنت متضايقة من تدخلات خواته و طبعهم الحشري عشان يعرفون كل شي تعوذت من ابليس و قلت يمكن هذا شي منفصل مو طبع بس كنت اغالب احساسي و كنت مشترطة اني اكمل شغل ماكان عنده مانع بعد الزواج اسبوع سافرنا فيه تبينلي انه بخيل ماف شك و كمان مو قادرة افهم منطقه حسيت ان تفكيره محدود وبعد مارجعنا المستخبي بان و بعد الفاس ماوقعت بالراس عرفت انه عايش مع اهله في نفس البيت لنا غرفة بس وبدون حمام و انه عايش بقرية بره المدينة و انه مو شغال بارامكو شغال بشركة عادية وراتبه مايفرق عن راتبي الا بالف ريال وانه يشتغل لما يحتاجونه يعني مو كل شهر يشتغل و انه ماخلص ابتدائي و باسبوعين عرفت كيف ان خواته مسيطرات عليه و كل شي يصير بيننا ياخذ رايهن اول باول وان خواته يكدن على البيت و عليه و على اخوه وزوجته وبنته و انه و اخوه يعتمدون عليهن و على ابوه الشايب بمصاريفهم و انه ماعنده سيارة و سيارة البيت لاخته و مافي غير هالسيارة و المصيبه ان عمته طلعت المراه اللي تزوجها ابوي قبل سنين على امي و طلقها والي محطمني ان ابوي عارف كل هذا من اول بس كذب علي و لما سالته ليش يا يبى قالي مو احسن من العيشه مع اخوك و بعدين الرجل بيحشمك ماراح يمد ايده عليتش وكان هذا قمة الرجولة تحطمت نفسيا كرهت ابوي و كرهت الرجل اللي من اول ماكنت احبه وفوق كل هذا ماصرف علي بعد ماجينا من السفر الريال انا اللي اصرف من فلوسي الخاصة وانا كنت مستقلة ماديا عن اهلي من اشتغلت و هذا الموضوع مو بالكيف لان لو ماشلت لنفسي مصروف ماحد بيعطيني و حتى لما بزور اهلي اأجر سيارة عشان ازورهم و المصيبة انه في هالفترة مايشتغل و يبيني احمل وانا مو طايقة اطل بخلقته كارهته و كاره كل شي يخصه حتى كارهه اسمه عندي كل سبب يخليني اطلب الطلاق وصارلي شهرين بس متزوجه وامي مصرة على الطلاق و مو عشان موضوع عمته لانه طلع مو كفو مسؤولية بس كل ماجيت اطلب الطلاق اخاف اعيش حالة فوق تحت اللي معيشني فيها اخوي واللي جابتلي النفسيه و على فكرة اخوي مايمد ايده علي صارت مرتين قبل سنين لما كنت بالكلية بس مو طبع فيه س شكه و حالته النفسيه تعذب لدرجة ماتتصورونها معيشني بخوف و المشكلة اني مو شرط اغلط بس اخاف يقلب مزاجه و صراحه احس اني عايشه بمستشفى نفسي بس العيشة مع شخص كاذب فاشل عالة على خواته ماله مستقبل تفكيره جامد وفوق كذا موضوع عمته لايمكن اكمل معاه و لا افكر اجيب منه عيال
اكيد حيرتي و اللي عايشته ماراح تخليني اتخذ القرار المنطقي و ماراح اشوف الحل البديهي لاني عالقة بين مشاعر الخوف و الكراهية
بليز لاتترددون تقولون رايكم ماحد بيتحمل مسؤولية قراري بس ابي اعرف منطق الشخص الطبيعي اللي بيكون اسلم واحكم من رايي
منار 666 @mnar_666
عضوة فعالة
يلزم عليك تسجيل الدخول أولًا لكتابة تعليق.
أستخيري . . .
وأخووك لآزم يتعآلج . . . لأن وضعه صدقيني مو طبيعي
و الله يكتب لك الخيره ويسر أمرك
والمسلمين أجمعين
:)
وأخووك لآزم يتعآلج . . . لأن وضعه صدقيني مو طبيعي
و الله يكتب لك الخيره ويسر أمرك
والمسلمين أجمعين
:)
كلولوش
•
^^
نفس كلام اختي الي فوووق
اهم شئ تسووين الي انتي مرتاحه له ماعليكي بأي مخلوووق هاذي حياتك وانتي حره
الله يصبررك ويعييينك
نفس كلام اختي الي فوووق
اهم شئ تسووين الي انتي مرتاحه له ماعليكي بأي مخلوووق هاذي حياتك وانتي حره
الله يصبررك ويعييينك
الصفحة الأخيرة
قولي له انك تبغين الطلاق لانك تبغين حمام ومطبخ يعني شقه لحالك لو صغيره ..
وانك تبغينه يصرف عليك لو 100 ريال ويهتم فيك .. ويوديك لاهلك تزورينهم .. بس لو عارض مدري وش اقول لك تصبرين او تتطلقين
صلي استخاره احسن لك .. وانتبهي من الحمل لاتحملين .. واخوك يمكن يخف عليك بعد الزواج والطلاق لانك ماعدتي بنت خلاص .. يعني بيقل خوفه عليك وشكه فيك