كرهي له

اجل اكتبي لنا نص الرد عشان ننسخ ونلصق
دامك ما تبينا ننصحك وتبي نرد بس باللي يعجبك اللي هو اننا نسب ابوكي

لا حول و لا قوة الا بالله

مهما كان ابوك .. عزوتك وسندك ، ادعي استغفري بنية انو يلين معك ولاطلبتيه يوافق

شُوفي مااكذب عليكي ، لكن أكثرنا إللي يكونو الأب والأم منفصلين أو تكُون الأم مُعلقة زي كِدا > ترا نفس وضعك أنا
تجيكي فَترة جِد تكرهي كُل شيء وخلاص بس تبغي تطلعي وتبعدي عنهم سواءاً أمك إللي جالسة معاها ولا أبوكي..
ممُكن يكُون مواقف صارت لِك معاه كرهتك فيه أو أسباب ثانية ، ربي العالم فِيها!
أنا مارح أقول لِك حرام أبوكي ومِن دا الكَلام لإني حااسة فيكي والله!
بعيداً عن موضوع الحرام وزي كِدا لإنك أكيد عارفة كُل شيء ومايحتاج أحط لِك دلائل وأحاديث! ..
ترا والله أقول لِك كلامي لإني مجربة دا الشيء.
بس ماعِندي غير إنك تِدعي لنفسك وتتقربي مِن ربك وتشغلي نفسك في ربك ونفسك!
لاتكبري المواضيع! ترا كل الأشياء إللي تحطيها في راسك وتكبريها وتسوي مِنها مشكله وعصبية ..
لاتدققي في حركات أبوكي ، لإنو شخصيتك تِكره هالحَركات! فطبيعي حينقلب الموضوع كُره لأبوكي بسبب الحركات دي ..
إذا قدرتي ، حاولي تجاري أبوكي تتكلمي معاه وتتقربي مِنو ، ممُكن حيسمع لِك بعدين!
أحتسبي الأجر! وأحترمي أبوكي أهم شيء ..
أنا مدري إيش أسبابك أو إيش المواضيع أللي صايره بينك وبينو ، فما أقدر أقول لِك أي شيء صراحةً..

وربي يهديكم جميعاً ويِصلحكم ويِكتب لكم الخير بِكل شيء ويصفي قلوبكم.