شواطئ

شواطئ @shoaty

عضوة نشيطة

كره من اول نظرة

الملتقى العام



ح1
المكان : المدرسة الابتدائية
الزمان : الفسحة

وعد: غادة خلينا نلعب مع نورة وصديقاتها فتحي ياوردة
غادة: انا ما احب العب مع نورة اكرهها
وعد: ليش؟؟؟
غادة: عشانها اخذت قلمي ويوم قالت لها ابله سلمى رجعيه رمته على الارض


""""""" خطأ من نورة """"



ح2

المكان: المدرسة المتوسطة
الزمان: حصة فراغ

ايمان : سارة وش رايك نجلس مع عبير بدل ما نجلس لوحدنا
سارة: الله يرحم والديك ضاق الفصل مالقيتي الا عبير
ايمان: وش فيها ؟! وش سوت لك
سارة: يوه شوفيها وش لون رافعة خشمها على الفصل كله . وكيف تحكي مع البنات
تحسب مافيه بنت حلوة الا هي..


""""" غيرة من سارة""""




ح3

المكان:المدرسة الثانوية , جامعة , ...الخ

مزنة: خلود ناظري دلال جالسة لوحدها ليش ما نناديها تجلس معنا
خلود: يوه فكينا منها ما اطيق اجلس معها في مكان واحد
مزنة: ليش!!! متهاوشة معها, بينكم خلاف
خلود: لا بس اكرهها واكره السواليف معها
مزنة: طيب لا تتكلمين معها خليها تجلس معنا بس
خلود: تبين تسولفين معها روحي عندها اما هي تجي عندي لا
مزنة: خلاص لا تزعلين بكيفها بس ابغى افهم وش بينكم؟
خلود: مابينا شيء بس مادخلت مزاجي ولا اعجبتني
مزنة: يعني قد تكلمتي معها ؟
خلود: لا بس من اول يوم شفتها حسيت اني اكرهها ..ما تعرفين ان الأرواح جنود مجندة


""" ""





ملاحظة : الاسماء مستعارة وغير حقيقية

هذي يالطيبات احداث مرت علي وقد تمر على اغلبكم فياليت نتناقش فيها

_ لما تكرهين وحدة او وحدة تكرهك من اول نظرة ايش السبب في رايك ؟


_ اذا كانت صاحبتك تكره بنت وسالتيها ليش وش تتوقعين السبب ؟


_ تفسيرنا للحديث ( قال الرسول صلى الله علي وسلم " الأرواح جنود مجندة فما تعارف منها ائتلف وما تناكر منها اختلف " )

هل يبرر لنا كره الأشخاص من اول نظرة بدون سابق تعامل او احتكاك معهم

لدرجة انا نتحاشا وجودهم والحديث معهم وتوصل لبعض الأحيان عند بعض الناس انه ما يلقي

السلام عليهم..( اين "السلام على من عرفت وعلى من لاتعرف" " تهادوا تحابوا" ؟؟)

انا لا انكر الفراسة لدى البعض لكن هل هي كافية لكره الشخص من اول نظرة؟


_ لماذا الناس تحتج بهذا الحديث بينما نجد عند الصغار والمراهقين (ح1 وح2 من تجربتي)

هناك اسباب مادية للكره؟؟ هل هم منطقيين اكثر من الكبار؟؟



اترك لكم الاجابة عن تساؤلاتي ...
وانا بانتظار تجاربكم وارائكم ونقاشكم حول هذا الموضوع
:27:
27
3K

يلزم عليك تسجيل الدخول أولًا لكتابة تعليق.

تسجيل دخول

ام نينا
ام نينا
الله يعيننا على ذي الاشكال من ذا الناس

الغيره تخبث النفوس

الله يكفينا شرهم
حلااااااا
حلااااااا
موضوع رائع رائع:26:
وبالنسبه لحديث الرسول الاكرم عليه افضل الصلاة والسلام" الأرواح جنود مجندة فما تعارف منها ائتلف وما تناكر منها اختلف "........ بالنسبه لي أؤمن وبشده بهذا الكلام
واعتقد هذا السبب اللي يخليني ماراح اقول أكره لانها قويه بس ما ارتاح لبعض الاشخاص من النظره الاولى
بس عاد ما أسلم عليهم....... :confused:
بس احيانا تصير لكل قاعده شواذ.... يعني صديقتي القريبه الى نفسي اذكر اني ما ارتحت لها
اول مره شفتها مدري ليش؟؟؟؟ ولما تعرفت عليها حبيتها وارتحت لها

ننتظر المزيد من الاراء
وتحيه لصاحبة الموضوع:26:
mznah
mznah
شواطئ
شواطئ
ام نينا ـــــــــــ يشرفني انك تكوني اول وحدة ترد على موضوعي:24:
وفعلا الغيرة اللي في غير مكانها مصيبة


حلا ـــــــــــ الأروع مشاركتك معنا ..
وانا معاك ان احينا ما نرتاح لشخص من اول نظرة بس هل توصل لدرجة رفض التعامل معه ( كلام جلوس ...الخ)
التعامل والاحتكاك مع الشخص هو اللي يحكم

مزنةـــــــ مشكورة على مرورك ...بس صراحة كان ودي اعرف رايك الشخصي


يلا بنات ننتظر ارائكم واجاباتكم لاستفساراتي في الموضوع
ولا تنسون تجاربكم والمواقف اللي تعرضتوا لها وردود الأفعال ...
قطر الدين
قطر الدين
مشكورة على الموضوع الرائع