حبيباتي ذاك اليوم وانا احوس بالنت وافرفر من موقع لموقع لقيت هالوصفة الحلوة، وحلفت اني ما انزلها لكم الا من بعد ما اجربها واصورها بعد، شفتوا اني خوش عضوة :)
المهم المقادير جدا جدا جدا جدا بسيطة للعاجزات مثلي ------- الاعتراف بالحق فضيلة
المقادير:
صدور دجاج اللي يكون مغلف بالقسماط ماركة امريكانا او اي ماركة تبينها
كوب كريمة سائلة
كوب كريمة حامضة واللي ما عندها تجيب قشطة بس تضيف على الخلطة شوية ليمون
بهارات (النوع اللي تبينه والمقدار اللي تبينه)
كرواسون الكمية اللي تبينها على قد الماعون مالج
يالله بسم الله نبتدي
صدور الدجاج اشويها بالفرن واللي تي تقليها ما في مشكلة ابدا
اقطعها مكعبات واللي تبي تفرمها ما في مشكلة ايضا :)
شفتوا اني طباخة سلسة
بعدين نحط الكريمة الحامضة والسائلة على النار ونضيف عليها البهارات والدجاج ونخليها على النار لما تبقبق يعني تصير ساخنة
نقص الكرواسون بالنص ونفرش صحن التقديم بالجزء السفلي من الكرواسون بعيد نضيف الدجاج مع الصلصه بعدين الله يسلمكم نصف الطبقة العلوية من الكرواسون...
وسلامتكم
انا طبعا زينت الطبق من فوق بجبن شيدر مبشور
ومأكول العافية ان شاء الله
