العجينة المعتمدة بتاعتى لو جربتيها
مش حتستعملى الا هى بعد كدة لأن الحاجة بتفضل طازة ليومين و تلاتة
المقادير
4 كوب دقيق
1/2 كوب زيت
1 معلقة كبيرة خميرة فورية ( حوالى كيس صغير)
1 معلقة صغيرة بيكنج بودر
3 معلقة كبيرة لبن بودر
1/2معلقة صغيرة ملح
1 معلقة كبيرة سكر
2 كوب زبادى
1/2 كوب ميه دافيه
1 بيضة
تدوبى ملعقة السكر فى نص كوب ماء
و تحطى معاها الخميرة و تسيبيها تتفاعل خمس دقايق قبل ما تحطيها مع باقى المكونات
و تحطى الدقيق و عليه كل المكونات مع بعض
و تعجنيهم كويس لمدة 10 دقايق
و لو لقيتى العجينة لسة بتلزق فى ايدك
ضيفى شوية دقيق
لحد ما تبقى متماسكة و ملمومة بالشكل دة
سخنى الفرن خمس دقايق بحيث يبقى دافى
و غطى الوعاء اللى فيه العجينة بقماشة نضيفة
و حطيه فى الفرن و سيبى العجينة تخمر
لمدة ساعة أو أكتر كل ما تسيبيها تخمر أكتر بتكون أحلى و أسهل فى الفرد
حتعلى و تبقى هشة كدة
حنعمل منها مينى بيتزا و كرواسون
حضرت الصلصة اللى حطيتها عالبيتزا
و دى
بتتعمل بشوية
توم مفروم تحمريهم
و تضيفى عليهم عصير 3 طماطمات
و تسيبيهم يتسبكوا و تحطى عليها ملح و فلفل و زعتر و ممكن بهارات حتبقى ريحتها جميلة قوى و حتفرق كتير فى طعم البيتزا
و الحاجات اللى تتحط فوق البيتزا طبعا حسب رغبتك
أنا حطيت طماطم و بصل و فلفل كوبى و زيتون
و جبنة رومى
أخدت جزء من العجينة فردته على رخامة
مدهونة زيت أو مرشوشة دقيق
و قطعتها دواير بكوباية أو قطاعة زى ما يتوفر عندك
حطيت عليها الصلصة و الخضروات
دة شكلها بعد ما استوت
أخدت جزء تانى من العجينة و فردته عالرخامة
و قطعته مثلثات
كل مثلث حشيته من ناحية القاعدة بجبنة رومى
انتظرونى
لسة حكمل
برمت المثلث من ناحية القاعدة حيبقى بالشكل دة
ندهن الوش ببيض عليه شوية ملح و خل عشان الزفارة
و دة شكله بعد ما استوى
و دى مجموعة تانية
و من قريب
يا رب تجربوها و تعجبكوا
فى أمان الله