في يوم الخميس الموافق :20/4/1427هـ شرف حبيب قلبي ولدي عبودي للدنيا ...
اسال الله ان يصلحه ويهديه ويجعله بارا مطيعا لوالديه خادم لدينه...قولو آمين
وهذه قصتي :
يوم الاربعاء جاتني آلام غريبه تجي وتروح ..وكنت اقول يمكن طلق ويمكن لا... يمكن مغص او اكلت شي ..!!!
>> مسكينه على نياتها ..جا العصر ونزل علي دم .. انا طبعا قلت اكيييييييد ولاده وكنت مره خايفه وما معي احد سوا الشغاله بالشقه ..وزوجي بالدوام..
قلت لاااااااازم امشي ..شقتي صغيره ..قمت لبست عباتي واخذت شغالتي وطلعنا نمشي ورا العماره ... ونزل شويييييي مطر ورجعنا البيت ..
جا المغرب الا والشغاله تقول مدام انا لازم آخذ إجازه اروح اشوف ولدي وزوجي وارجع يوم الجمعه .. قلت معليه أقعدي معي هاليومين انا محتاجتك وتعبانه ونزل معي دم ... قالت اووووووه دم ...قلت ايه ..
قالت بس انا لازم اروح ...المهم ابلشتنا ..جا زوجي من الدوام وتعشينا ووديناها بيتها اللي يقع في ((منفوحه )) وما وصلنا الا الساعه عشره لبيتها لأن المكان بعيد عنا وزحمه وما عرفنا موقع بيتها ..الله حسبي عليها ...حتى هي ما تعرف لأنها جديده ..
المهم طوال ما احنا في الطريق وآلام تجي وتروح وانا اقول لالا يمكن مو طلق يمكن القولون ...مدري وش فيني اتهرب من الولاده وهي لاحقتني لاحقتني ...ههههههههه
نزلنا الشغاله ورحنا نتمشى في منفوحه وما جاورها ونتعرف على المنطقه اكثر وشفت العجب العجاب :22: ...ونزلنا بقاله تبيع حلويات زماااان وانهبلت عليها والآلام ما تقصر واختكم مطنشه ..
رجعنا البيت وفي الليل ما قدرت انام حسيت بجوع رهيب وقبل الفجر قمت سويت اندومي واكلتهامع عصير وجالسه عالنت ..والآلام تجي وتروح بس تحملتها ..
رحت اصلي الفجر ونمت بعدها .. وكل ساعه اصحا على الم قوي واروح دورة المياه وما فيه فايده...!!!!!
وارجع انام واقوم على الام وانام واقوم حتى الساعه (9)الصبح ... وقتها شد الألم وما قدرت اتحمل ...صحيت زوجي وقلت انا تعبانه ودني المستشفى ... وتوقعت اروح ويرجعوني ... يمكن طلق كاذب ...خخخخخخ
انا ما قلت لكم اني اتهرب من الولاده ...خخخخخ:
رحت المستشفى وانا عندي امل اني بارجع البيت بس كااااااااانت المفاجأه ...
رحنا الطوارئ وجات عندي ممرضه ومسكتني بيدي وطلعتني فوق وانا هلم جرا ...مو داريه وش السالفه ليش طلعتني فوق ...دكتورتي دايم تحت ...
وزوجي تحت يكمل الاجراءات ...
دخلتني الممرضه صاله صغيره غريبه مليانه دواليب وارفف كلها ملابس خاصه ابيض وازرق ووردي ..
(موقف طريف ) :
جلستني الممرضه على كرسي بها الصاله واعطتني اكياس للارجل معقمه وقالت البسيها ...خخخخخ
اختكم في الله فصخت النعال وانتم بكرامه ولبستها ثم لبست النعال فوقها هههههههه ..قامت الممرضه تضحك وتلبسني وتقول هذي من فوق نعال ...هههههههه تفشلت بقوه ..:hahaha:
المهم:
دخلتني غرفه حلوه فيها سرير غريب وتلفزيون وفيها بنشات ومجلى ...وانا مو داريه وش السالفه ...
معقول هذي غرفة الفحص .. !!! شوي الا اسمع اصوات حريم يصيحوووووووووون انا انهبلت ...:eek:
>>> مسكينه على نياتي ..
قالت الممرضه شيلي كل الملابس حتى الداخليه ...انا طلعت عيوني قلت ايييش لا ما باشيلها عيب ...
قالت البسي هذا بس واعطتني اللبس اللي يجي مفتوح من ورا ... يفشششششل ..
قلت : لا ما ابي ...وين زوجي ..؟؟؟
قالت : بيجي الحين ... وانا خاااااايفه ...المشكله ان الممرضات يتحركون بسرعه وكأن فيه شي خطير...
>>> مسكينه
قالت : انتي فيه ولاده الحين ...قلت لااااااااااا انا ما عندي ولاده ..وعيوني مدمعه شوي وابكي ...
قلت : انا بسوي فحص بس !!! جيبي دكتورتي تفحصني وخلاص...
جات ممرضه ثانيه ..
حاولت معهم باللين بالقوه ما فيه فايده ..قلت خلاص بالبس هاتيها وروحي ...
شوي الا وزوجي معي :arb: ...ولبسوه هو بعد لبس ازرق من فوق ثوبه وكمان كيس الرجل ههههههههه
اضحك عليه واتالم ... :30:
المهم كانت الساعه 10 الصبح ودخلت دكتوره مصريه موب دكتورتي وقامت تكشف علي من تحت ..بغيت اموووووووووووت من الخجل ومن الالم وانا اصيييييييح ... قالت برافو الرحم مفتوح4سم يلا ولاده:laugh2: ... تقولها بصوت عالي وفرحانه..وكمان اصوااااات الحريم اللي يصيحون تخلي اللي ما تخاف تخاف ...
انا ... تعالو دورو علي قمت ابكيييييييييييييي :icon33: ... وهي تضحك علي ..>>>>> شريره ..
وتهديني والالم كل ماله يزيد ...وزوجي الله لا يحرمه الجنه يارب معي ما فارقني الحمد لله ..
كلم أمه وجات معي الله يجزاها خير وتقرا علي وتهديني وتاكلني رطب ...الله لا يحرمها الأجر ...ولو اني في الاصل خجلانه منها ...وكنت ابي آخذ راحتي في الصياح اكثر بس استحيت...ههههههههه
جات دكتورتي وقالت ان شاء الله تجي الساعه 2 الظهر وانتي والده ...ركبو فيني المغذي وجهاز نبض الجنين وانا احس اني في حلم ...وكل شوي تجي الممرضه وتشيك عالنبض ...
وزوجي وامه معي .. المهم جات الساعه 2الظهر والآلام تشتد .. والطلق مستمر بس كشفت علي لقت الرحم متوسع 7سم .. وصرت استخدم كمام الاكسجين العادي ...
"موقف يقهر":
قامت الدكتوره الله لا يوفقها تفتح موية الراس ...ونزلت كلللللللل المويه ... وكل ما للطلق يحما اكثر..بس راس الطفل لسه ما دخل الحوض تخيلو...!!!!!!!!!!:(
انا من شدة الألم تشنجت يدي اللي فيها المغذي وزرقت وابكي وادعي ربي وعمتي تساعدني .. وكل ما للطلق يشتد .. وانا خلااااص انهد حيلي وصرت احس اني بافقد الوعي ...
وصرت استخدم الكمام الاسود اللي بالبنج ياااااااااااااااازينه ...
لفته:إذا شد الألم معك تنفسي بعمق ثم ضعي الكمام ... مره مريحه هالطريقه ..
المهم جا العصر وانا في أوج الألم وابكي .. لأني بصراحه ما توقعت الولاده بهالشكل ...تمنيت الموت هاللحظه ...
وصرت خلاااااااااااااص مستسلمه وانهد حيلي اهم شي يكون الكمام معي ..من الألم صراحه قمت اتمسك بام زوجي واحضنها واتمسك بيد السرير واصيح ...ولوكان بكيفي كان فكيت الأجهزه المركبه علي وشردت ...خخخخخخ
جا المغرب وانا تعبااااااااانه حيل وما بقي لي الا المرحله الأخيره (الدفع ) انتظره يجي ما جاني .. اصلا ما نزل الا جزء من الراس بالحوض مو كله ...ونشفت موية البيبي الله لا يوفقهم ..
قالت الدكتوره قدامي خلاص مدام انتي مرررررررره تعبانه تبغين عمليه ؟؟ شوفو بالله الاسلوب يقهررر ..
كلمت زوجي وقالت ان المدام تعبانه مره واحتمال ان الراس لسه ما نزل الحوض ومن هالقبيل ...مع ان نبض الجنين تماااااااااام ما عليه ...كلنا نسمعه ...والطلق حاااااااامي ...
عاد زوجي مسكين مرتبكوخايف من كلام الدكتوره فوقع عالعمليه ...
فصلو كل الاجهزه عني وودوني عالعمليات وانا لسه ابي اوصي زوجي ابي اقله شي يمكن اموت ...:(
زوجي حاول يلحقني بس ما عطوه فرصه ..الوضع ما يتحمل التاخير...
دخلت غرفة العمليات لأول مره بحياتي الساعه 7المغرب وياللهوووووول تخوف من جد ... بس انا احس اني خلاص استسلمت ابيهم يسوون أي شي اهم شي افتك وارتاح .. من جد انتظر بس متى يخدروني ..ما ابي الآلم يقوى باموووووت ..:06:
المهم ركبو القصدره والمغذي واشياء ثانيه ..ووووووورحت في خبر كان ...
صحيت 8ونص وانا ابكييييييييي ودمووووووووووووع وأتأوه بصوت عالي واقول يااااااارب يااااااااااارب ... واشوف اشياء ورديه تتحرك ... >>>> الأخت توها فاقت من البنج ...
انادي الممرضات محد عطاني وجه قمت ابكي بصوت عااااااالي جتني زي الهستيريا ..ردت وحده منهم وقالت خلاص مدام انتي كويس وبيبي كويس ليش تبكين ...عاد انا تذكرت بطني .. تحسسته بيدي الا وهو منسم ...تذكرت اني ولدت ..شوي الا وتجي الدكتوره وتمسك يدي واقول كيف البيبي تقول معليش بيبي تعبان شوي التف الحبل السري حول رقبته لفتين ونبضه ضعيف ... تخيلو بالله الموقف انا قمت ابكي ..قالت خلاص هو ان شاء الله الحين كويس مدام ..قلت ولد والا بنت : قالت ولد..انا صرت اقول الحمد لله ...
"موقف طريف":
أثناء ما هم ينقلوني بالسرير ويمشون الا واشوف قدامي هندي واقف ويناظر بقوة عين قمت أعطيته من آدم وجاي ( أسب فيه واشتم ) وش هذا انت ليش واقف ..انت رجال ..والرجال ما يدخل مع الحريم .. إطلع برااااااااااااااا....
واصيح على الممرضات واقولهم طلعوووووووه براااا ...الرجال طبعا ما طلع بس لف بظهره ..انا زعللللللللللت وشوي الا وينفتح باب ... طلعنا بالأصنصير ..هههههههههههههههه
بس انقهرت ليش ما يغطوني حسبي الله عليهم وجهي وشعري كله مكشوف .. والله يستر من غرفة العمليات ...
المهم دخلوني غرفتي ولقيت زوجي وامه ... وكلمتني امي عالجوال وانا ابكي ..تمنيت انها حولي ...والحمد لله جلست خمس ايام وكل يوم احسن من اللي قبله ولله الحمد ...
اللهم لك الحمد ولك الشكر ياربي..
هذي قصة ولادتي ...صحيح طويله بس حبيت تعيشون الجو .. وأوضح لكم شيئ من عالم الطلق والولاده ...هههههه
همسه :
" أهم شي لا تتركين ذكر الله من لسانك .. إدعيه واستغفري والجأي اليه ..محد بينفعك الا الله سبحانه وقت المصاعب .."
" دعيت لأمي من كل قلبي ان الله لا يحرمها الأجر ويجزاها الجنه .. لأن الولاده شي مو هين .."
ألأخطاء اللي ارتكبتها )
اختياري للدكتوره كان غير موفق ...كورانا اللي بالحمادي ..على قد ماهي ممتازه بس نصاااابه.. في المراجعات عسل بس الولاده حسيت انها نصااااابه تبي الفلوس وبس .. انا لو انتظرت شوي كان ولدت طبيعي ..لكن قدر الله وما شاء فعل..
كمان كانت تقول لا تمشين مو ضروري المشي بتتعبين عالفاضي .. وكنت شاكه بكلامها ..بس كسلت علي ..عشان كذا والله اعلم ان الحوض ما توسع عندي من بدري لأني ما مشيت الا مرتين تقريبا او ثلاث في الشهر الأخير..لذلك انصحكم تمشووووووووووووووون ..
كمان انا متاكده انها كذابه لمن قالت ان الحبل التف حول رقبة البيبي وان نبضه ضعيف لأن زوجي وامه شافوم اول ما طلع من بطني وغسلوه وودوه عالحضانه ..لوكان كلامها صحيح كان لون الولد ازرق اسود ...بس ما شا الله مو مبين عليه شي ..!!!!!! انا شاكه بصدقها صراحه...
كمان ما انتبهت انهم بيفكو موية البيبي ولو دريت كان ما خليتهم يفكوها .. بس هما استعجلو بالولاده ومعروف البكر تطول ..ما اقول غير حسبي الله ونعم الوكيل ..
اتمنى لكل حامل ولاده سهله وميسره .. وكل من تريد الذريه ان يرزقها الله تعالى عاجلا غير آجل ...
تحياتي لكم.
أي سؤال انا حاضره .
* كـــــــرزه * @krzh_3
محررة برونزية
يلزم عليك تسجيل الدخول أولًا لكتابة تعليق.
الحمدلله على السلامه ومبرررررررررروك
الله يعين جربتي الطبيعي والقيصري
لكن كلمة الدكتوره على المشي صحيحه 100%
اختي تمشي كثير وبالاخير قيصري
وانا ابد مامشيت غير التسدح والراحه والراس مانزل للحوض الا يوم الولاده وبا ارادة الله
والولاده الثانيه نفس الشي
الله يعين جربتي الطبيعي والقيصري
لكن كلمة الدكتوره على المشي صحيحه 100%
اختي تمشي كثير وبالاخير قيصري
وانا ابد مامشيت غير التسدح والراحه والراس مانزل للحوض الا يوم الولاده وبا ارادة الله
والولاده الثانيه نفس الشي
هههههههههههههههههههههههههههههههههههه
والله يصلح فيلم الحمدالله على سلامتك والله يخليلك اوليدك ويرزقنى الصالح
والله يصلح فيلم الحمدالله على سلامتك والله يخليلك اوليدك ويرزقنى الصالح
الله يعطيكي العافيه وتسلمين على النصائح فكرتيني بالولادة والمها الله يهون علي وعلى كل حامل ياكريم وبوسيلنا النونو
الصفحة الأخيرة
بس الف الحمد لله على سلامتك ويتربى في عزكم انشالله