كروشات و أمهات جده

ممكن طلبين من كروشات و أمهات جده..... يارب بس متخذلونيش
اولا...... أنا الحمد لله حامل في التامن و براجع مع دكتور ممتاز جدا اسمه د/ياسر كاتب في مستشفى فقيه .... بس المشكله ان الولاده في فقيه غاليه جدا علي.....و التأمين بتاعي مش مغطي حمل و ولاده .... و سامعه كمان ان الاسعار زادت مؤخرا
طلبي هو ..... حد يعرف دكتور ممتاز او دكتوره ممتازه في مستشفى تكون أسعارهم أقل من كده..... بس شرط يكون دكتور ممتااااااز...... لاني ده رابع حمل لي و حصلي قبل كده اجهاضين و مره البيبي توفى في بطني على بداية التامن......و الحمل ده أملي فيه كبير جدا ربنا يكتبلي و البيبي النجاه ان شاء الله.....
ارجوكم أنا مستنيه ردودكم لاني معرفش حد هنا
المستشفيات الي اعرفها اسعارها معقوله هي : م بخش ..... هاله بن لادن..... حي الجامعه..... جده الوطني..... المستقبل.... خالد ادريس ....صائم الدهر.... الجدعاني
بس معرفش مستوى الأطباء فيهم ايه.....
كنت بتابع في م هاله بن لادن مع دكتوره خلود رستم بس المشكله اني اتصدمت ان معندهومش طبيب مناوب نسا خالص في المستشفى.... يعني لو بعد الشر الواحد راحلهم في اي وقت بمشكله عاوزه تدخل سريع مش هيلاقي حد ينقذه

ثانيا.... طالبه دعواتكم ان ربنا يكملي حملي على خير و يفرحني ببنوته زي القمر
مستنيه ردودكم