كيفكم مع هالبرد الله المستعان
البارح سويت مع العشاء كريب وسويتله حشوه لذيييذه وطلع حلووو وخفيف والحمدلله اعجب العياال وهذا اهم شئ عندي <<< متعبيني مايعجبهم شي ولا ياكلون اي شي
المهم انا اسويه من زماااان لكن بدون حشوات يعني اقراص خفيفه مع الفطور او الشاي
واسمحوا لي لأن الوقت منعني من تصوير كل الخطواات
مقادير العجين
كوب وربع طحين
ملعقه ك سكر
1/2 ملعقه ص بيكنج باودر
ملح
بيضه
فانيليا
كوب وربع حليب سايل
ملعقه زبده او زيت
نخفق المقادير مع بعض ونحمي مقلاة وسط على النار وندهنها بقليل من الزيت وناخذ من العجين ملء المغرفه
الصغيره ونصبه بالمقلاة ونميله بالمقلاة عشان ياخذ حجمها ويصير خفيف
ولما يتحمر نقلبه على الوجه الثاني حتى تنتهي الكميه
نعمل الحشوة
بصله مقطعه شرائح وثوم مهروس يحمر بشوي زيت يضاف فلفل رومي وجزر مقطع اعواد وبهارات وكمون ناعم وفلفل اسود ونضيف اللحم المفروم والملح ونقلب نضيف حبة طماطم صغيره ومقطعه واريجانو وبقدونس مفروم
نخلط 3 ملاعق جبن سائل وملعقتين مايونيز بالمضرب اليدوي
ثم نخلطهم مع بعض
ونبداء نحشي الأقراص على الوجه اللي تحت ونلفها
وزي ماتشوفون رصيتهم بالحافظه ونحتفظ بحرارتها
يتبـــــــــــع
شايفين الحشوة من جوا متماسكه يختي عليهاااا
وهاالثلاث صحون ل الثلاث الأوائل الحلويين اللي يردون شفتوا مانسيتكم
اتمنى رضااكم