كريماتك لاحد يعرفها نصيحه

:(

:(


بجد انا حزينة ونفسيتي عدم وانصح كل واحده بانها ماتخبر حد بأي شي تسويه وينفع معها


كذا تجربة صارتلي وقلت يمكن صدفه لاكن خلاااااااااااااااص ماعاد هي بصدفه :angry2:

كل ماشريت كريم وصابونة وارتحت عليهم وصار وجهي صافي وشافتني كذا بنت حلال من العايله وقالوا ماشالله وجهك منور ومتورد انتي من قبل وجهك صافي بس باهت مافيه حياه وش مسويه :o

وربي بكل نيه حسنه اعلمهم بكل شي اسويه وبس انام واقوم الصبح الاقي وجهي صاير زي الخيشه خشن ومحبب ولما استخدم الصابون والكريم احسه يحرقني ولا عاد ينفع معي ويطلع حبوب واغيره

والله اكثر من ثلاث كريمات وانواع صوابين كثيره غيرتها مع اني كنت مرتاحه عليها واخر الشي الي ارتفع ضغطي معه قبل اسبوع :eek:


زارتنا وحده من قريباتنا وقالت وش مسويه وجهك منور ومتورد وصافي قلت بغبائي المعتاد استخدمة صابونة البابيا خمسه في واحد مع كريم الببايا بالحبيبات السوداء مره ارتحت عليه وصفى وجهي وتوريد الخدود هذى كل يوم بعد الصابونة امرر ثلجه وبعدها بخاخ موية ورد يعطي حيويه وتوريد للخدود متحمسه وانا احكي ابي انفعها :angry2:

قالت انا استخدمته مانفعني وحرقني بوجهي الكريم اشلون نفع معك قلت مادري انا مرتاحه عليه مره صارلي كم شهر


وربي ماكذبت ماصحيت الصبح الا وجهي قب حبوب حمرا صغيره وحبوب تحت الجلد ووجهي كأنه خيشه ويوم رحت بغسل وجهي حطيت رغوة الصابونه والله يابنات اغسل وجهي فيها وكأني ماغسله مكتم ومدهن ويوم حطيت الكريم بغيت اطير حرقني وحبب زياده بوجهي ولا عاد استخدمته وعرفت انها طقت عين فيه مثل الي قبله

انتظرت استخدمت كل شي طبي ماراحت الحبوب لاصقه مثل لصقة العنزروت مع ان بشرتي طبيعتها نقيه ولا عمري اطلعت حبه في الا وقت الدوره حبه واحده تحت دقني وتروح بدون اثر :icon33:

لاكن حالفه ماخليها والله لأقعدلها :30: واعزمها واخذ غسالها عل وعسى ينفع وتروح عينها والحبوب الي بوجهي


امي تقولي تستاهلين كل ماحد سألك وش مسويه طلعتي الي بدروجك كله فرحانه وجهي يلوع الكبد الحين منجنه اختي الثانية تقول معقوله بليله طلعت كل هالحبوب والقرف عقدتني زيادة تقول وجهك صاير يخرع :06:


الحين حلفت ماعلم ولا وحده تقربلي بأي شي استخدمه لو تفحط عندي وتنتف رمشها وادعولي ان هالحبوب تروح وارتاح وربي تعقدت بس اطالع بوجهي منهبله ومخترعه :booo: