alhyranh
•
علمونا بالكريمات الغير مضره
feriha
•
بصراحة الواحد ينصحكم وانتوا بكيفكم , اصلاً من حق المسلم على اخوه المسلم انه ينصحه لا شافه يضر نفسه
اما بخصوص الكريمات اللي ذكرتيها فير اند لفلي فعلاً كله بلاوي واذا مو مصدقه خذي عينة منه وحلليها في مختبر وشوفي وش يقولون لك
غير ان الكورتيزون ماراح يطلع في دمك ! بيأثر عليك بعد سنين وبيجيب لك الفشل الكلوي والروماتيزم ويأثر حتى على عيالك لا صرتي حامل وتستخدمينه
فيه اشياء كثيرة ماتأثر بالدم من اول مرة , مثلاً المخدرات تحسبين لا استخدموها على طول يهلوسون وينهبلون؟ لا اولها ونااااااسة وبعد 10 سنوات ولا 15 سنة يبدى الانسان يقط خيط وخيط ويصير فعلاً مو صاحي
ونفس الشي البيبسي هل على طول يسبب فشل كلوي وهشاشة عظام و و و؟ لا طبعاً كله مع الوقت
ونفس الكلام بخصوص الدخان , مافيه مدخن على طول من اول سيجاره تسرطنت رئته او تأثرت خصوبته , كله مع الوقت
غير ان الكورتيزون يأثر حتى على البشرة مع الوقت ويجيب "ضمور في الجلد" ويطلع لك شعيرات دموية يصيرون الناس لا قربوا منك مره يلاحظون فيه زي الشعر الصغير في وجهك كله
اما الزيوت بالعكس كويسه للبشرة , خاصة زيت الزيتون فيه احد الصحابة كان يستخدمه يوم ورا يوم
لما اقول كويس مو معناته "يبيض" لأ بالعكس الزيوت تسمر لا طلعتي بالشمس , مثل الفازلين تمام
والرتن أ ماحد يسبه بالعكس مافيه دكتور مايمدحه , بس يحذرون من "ألاستخدام الخاطئ" له و من ان البعض مايتبع التعليمات ولا يسوي شي ويجيك ويتحسب ويقول حرقتوا بشرتي وهو السبب , او يستخدمونه باماكن غلط
والليمون حمض اذا بتستخدمين ليمونه يومياً اكيد مع الوقت بشرتك بتروح في 60 داهيه , الليمون كويس اذا بتستخدمينه باعتدال وبعقل
مثلاً ملعقة شاي على ماسك للبشرة , مو 10 ليمونات بعلبة جلسوليد ! , غير ان الليمون تنقطين منه وتستخدمينه بلحظتها مو ينحفظ بالثلاجة وما ادري ايش
فيه ناس يهمها تعتني في نفسها وفي صحتها , ومهم عندها تكون بشرتها حلوه وبنفس الوقت صحتها حلوه
وفيه ناس لا اهم شي بشرتها وبالطقاق في الصحة , مايهمها انها بعد 15 سنة بيجيها هشاشة او فشل او او او يهمها تعيش اليوم وبس وبكرا مو مهم
اذا يهمك صحتك انتبهي في استخدام الكريمات ولا تستخدمين اي شي ينمدح وانتي ماتدرين عنه , واذا يهمك لحظتك استخدمي كل البلاوي الزرقا
feriha
•
الكريمات الغير مضرة كثيره
من الرخيص فيه نيفيا ولوريـال واولاي ونيتروجينا كويسين ومافيهم هالبلاوي
ومن الوسط سيتافيل وكيو في
ومن الغالي فيه فيشي وبايوديرما وليفيان و كاستاليا وافين ودوكري وريكسول
ولما اقول غير مضرة مايعني انها بتناسب الجميع , فيه ناس ماتناسبهم نيتروجينا بس يرتاحون على فيشي , وفيه ناس العكس البشرات تختلف
الصفحة الأخيرة