كريمات التبييض والسرطان وكمان عن حبوب الروكتان

السلام عليكم ورحمة الله وبركاته

أمس يا أخواتي العزيزات وانا اقلب في قنوات التلفزيون مريت على قناة روتانا (مدري اية وحده فيهم ) المهم لقيت هديك المذيعه اللي مسكينه هالكه عمرها عمليات تجميل (كنت صراحه ماره مرور الكرام ودوبي بدي أكمل وأقلب الا اسمعها تقول وهذا سؤال للدكتورة سعاد (اعتقد سعاد) قلت يادي النيله خليني اشوف دكتورة ايه دي كمان اللي في قنوات الهشك بشك ( لي حكاية ظريفه مع موضوع الدكتره بقلكم هي آخر الموضوع ) المهم كان السؤال الموجه لها هو عن استخدام حبوب الروكتان ؟ والدكتوره قالت ان الحبوب ممتازه جداً بس طبعا الإستخدام يكون لمدة ستة أشهر (ماتكون الوحده حامل فيها طبعا) وبعد ماتوقف الحبوب لازم تحرص لمدة ثلاثه أشهر إنها ماتحمل عشان مهو كويس .
أنا بصراحه مااستخدمتها بس لمن سمعت قلت خليني أقول لإخواتي بنات حواء عشان اللي مفكرة تستخدمها يكون عندها فكره .
الشيء الثاني :
كان سؤال عن كريمات التبييض والدكتورة أكدت إنها ماتسبب سرطان ، بس شددت ( ملاحظين شددت دي كييييييف بس قوية ) :42: إن اللي تستخدم كريمات التبييض لازم تحط واقي شمسي عشان لا يحصل لها مفعول عكسي والكريمات تسمر لها جسمها بدال ماتبيضها ...

أنا حبيت أفيدكم ومشكورين على حضوركم لموضوعي الحلو ... :42:

تعالوا أقلكم حكاية الدكترة معايا :
انا سلمكم الله يوم كنت صغيره كنت عايشه في بيت خالتي أثناء الإجازات الصيفيه والشتويه وكل الإجازات اللي ممكن أحصل عليها ( انا بنت وحيده في البيت وأخواتي الإتنين متجوزين من أنا صغيره والباقين أولاد فكنت أروح بيت خالتي عشان ألعب مع بناتها والمهم ياحبيباتي بنات خالتي وحده أكبر مني بسنه ونص ووحده قدي والأولاد أصغر يمكن بسبعه سنين (مدري ليش اذكر أعمارهم بس أخاف احد يجي يقول حرام وحلال وتروحي عندهم وهم عندهم أولاد ----- الزبده أنا كان عمري وقتها 10 أو 11 سنه بالكثير .... وزوج خالتي هذا جداً شديد ( ضابط حتى في البيت ) ونخاف منه موت لمن يجي ونتحرك حتى بالبطيء ... طولت عليكم المهم في مره من المرارريت كنت عندهم وقاعدين انا وبنات خالتي نلعب في غرفتنا ( انا ساكنه عندهم طبعا ) إلا جا ولد خالتي ينادينا ويقول أبويا يقول تعالو بسرعه غرفة التلفزيون ....................... رحنا جري طبعا
الا نلاقيه قاعد يتفرج على برنامج في القناه المصريه (أيامها كان في السعوديه الاولى والثانيه ومصر قناتين ) قال شوفو هادي أول دكتوره مصريه في تخصصها ( المذيعه كانت بتتكلم معاها وتقول لها إنتي أول سيده تحصل الدكتوراه في هدا التخصص وكلام كتير وبكش طبعا (للأسف ماكانو لسه ذكروا التخصص اللي هي آخذه دكتوراة فيه ) وبعد شوية قالو دكتوراة في القانون وكلام كتير واحنا زي الهبل نتفرج وزوج خالتي يقول شفتوا كيف يلا عشان تدرسوا وتفلحو وتشدوا حيلكم وكلام كتير من اللي يشجع ويشد الهمم ( بنت خالتي اللي كانت قدي عقدتهم كل سنه وهي راسبه مسكينه )
المهم طبعا عارفين المذيعيين بياعين كلام وهي تمدح في الدكتورة والدكتورة مبسوطه وتضحك إلا شوية والمذيعه تقول لها ورينا المقطوعه الفلانية ............:09: زوج خالتي عمل كذا والله
وترا احنا لسه مااستوعبنا ايش الموضوع إلا ياحبيباتي تجيك الدكتورة وتلبس في أصابيعها شي (حق آلة القانون =زي الكشتبان كده ) وتبدأ تعزف .................
:icon28: بنت خالتي عملت كده (من جواها طبعا بس ولا قدرنا نضحك ) وهو مسكين اتفشل .
وخالتي قالت له يلا بركة ايش رايك نطلعهم رقاصات احسن ...:42: من شماتتها فيه المسكين .
بصراحه كل اافتكر احزن عليه هو كان قصده خير ...
وسلامتكم