كريمات ROC وأثرها على بشرتي!!

أخواتي الكريمات :

أكيد منكم كثيرات مثلي طاااارن بالعجة بعد دعايات ماركة روك الطبية والصور المصاحبة قبل وبعد, عفوا .. أقصد ماهو عمر صاحبة الصورة؟؟

أختكم في الله ما كذبت خبر وطارت واشترت كريمات الليل والنهار والخاص بمحيط العين ...











لحظة ...



لا تفهمون غلط !!!!



ماعندي تجاعيد ولله الحمد , لكن مهم نحافظ على البشرة حتى ما تظهر لنا تجاعيد بعدين لا كبرنا , مو نتورط وتنبتاش وبعدين نروح ندور علاج !!!

والي شجعني اشتريها انها ماركة فرنسية وطبية معتمدة ما عليها كلام , وكله كوم , ومدح الصيدلي لها كوم ثاني , يعني لو كنت مترددة ـ رغم انه شايفني جازمة بس أبي أستفسر ـ يقنع بمدحه وتمجيده لهالماركة ومدى نجاحها واقبال الناس عليها من خلال وصفات استشاريي الجلدية والتجميل ....


الزبدة :

استعملت الكريمات ...لي اسبوع..



والنتيجة :







وجهي مورد , لكن ناشششششششششششف مررررررررررة وبشرتي خشنة وكل ما أمسحها أحسها مقشرررة ...

ومجرد ما أغسل وجهي بالصابونة أحسه مشدوووود مررررررة , لدرجة لو أضحك يعورني !!!!!!
ترى هذا مو مدح .. لأني متضايقة بالحيل من هالنتيجة , لأنه المفروض يعطي الجلد مرونة ونضارة مو يجففه ويشده لدرجة التقطيع!!!!!

ولا كله بكفه , ووضع المرطبات بكفه , أول ما أحط كريم ترطيب يولع نار ناااار ناااار , لمدة دقيقة أو أكثر شوي ويحمررررررر كأني إشارة مرور !!!!!!

وبعد فترة يجف بسرعة ويرجع التقشير !!!


أبي أحد يساعدني :
أستمر فيه والا أقطعه؟؟ لا تقولوا لي راجعي دكتورة , ما عندي أحد سنع يشفي غليلي , والدكتورة الي كنت أراجع عندها وأعرفها بالرياض وما تتلقى اتصالات !!!

شوفوالي حل تكفوووون .. الحين صرت أستخدمه كل ثلاثة أيام مرة حتى ما يعور وش رايكم؟؟؟

لكن وجهي مازال مقشر وبشرتي مورده وخشنه , وش الحل؟؟؟:44: