كريمة لحشوات الكيك والسنبون والحلويات للاخت شيهانه وصلتني الطلبيه وهذا راي بكل صراحه

السلام عليكم عليكم ورحمة الله وبركاته

كيفكم خواتي ان شاء الله بخير


طبعا انا طلبت من الاخت شيهانه الكريمه

وللامانه طلبتها لاني ما احب اسوي الحلويات كله عشان تخبيص هالمكونات اللي كثيره على غير سنع

ما غير هدر للمحفظه :44: <<< طيب انتي فاشله في الحلويات تعمين الناس معاكي ليه :mad:


المهم يا حلوات

طلبت جميع النكهات وكانت

جوز الهند __ موكا __ كابتشينو __ فول سوداني __ شكولا __ بالقرفه __ بالبندق __ بالهيل

طبعا هي نصحتني اني ما اشتري الهيل لانه طعمها مش ولا بد بس بحكم اني ذويقه في الاكل وكثير يختاروني في مسابقات اختيار افضل طبق من ناحية النكهه فقلت ادخل واعطيكم رأيي بكل صراحه لاني شفت الغالبيه متخوف منها ليه ما ادري

نجي للمهم

جميعها كانت 500 جم كميه حلوه ما عادا الشكولا 1000جم سطل اكبر

نجي لتقيم النكهات

جوز الهند _ وهذا المنتج الاول اللي حرصت عليه وطلع نفس اللي بخاطري بصراحه وماراح ينقطع من مطبخي باذن الله تعرفون شكولا رافيلوا مو اذ اكلتيها داخلها صوص ابيض بنكهة جوز الهند نفس الصوص ونفس النكهه والطعم بالضبط ما تفرقي ابد ابد ولون الكريمه بيضااء

بالبندق _ وهذا المنتج الثاني اللي كمان حرصت عليه وفعلا كان نكهته طيبه بس طبعا هي عباره عن شكولا بالبندق يعني لونها لون الشكولا شبيهه مش بالضبط لكن اللي مايميز نكهات يفتكرها نوتيلا حتى ولدي ذاقها يقول ماما هذي نوتيلا

الكابتشينو _ هذي بصراحه حااااليه مررررررره وكمان فيها مراااااره الكوفي طبعا لونها رااايق مثل لون الكابتشينو
عن نفسي انا اعشق النكهه هذي بس اشوف استخدامها لوحدها ما تنفع لازم تدخل في طبق يخفف حدة الحلا اللي فيها والا مراره الكوفي لذيذه بصراحه

الموكــا _ انا من عشاق الموكا لكن ما حسيتها موكا غالب نكهة الشكولا عليها فضيعت نكهة الموكا عن ولونها لون الشكولا عن نفسي قلت بخليها مكس مع الكابتشينو لان اهم عناصر الموكا هو الكوفي وبحكم اني ما حسيت النكهه واضحه فيه فقلت اضيف لها الكابتشينو بتطلع حلوه

الفول السوداني _ للامانه المفروض وشكلي حراسل الشركه واقولهم غيرو الاسم لان طعمها ولونها مثل الحلاو الطحينيه بالضبط يعني ما تحسين فيها نكهة الفول السوداني الا اذا كانت مسوااايه من فول سوداني غير محمص ممكن بس انا اعتبرها حلاوه طحينيه

بالقرفه _ طبعا هي عباره شكولا فيها نكهة القرفه حلوه بس النكهه خفيفه او يمكن مزبوطه بس انا تأملت بشي اقوى من كذا على العموم تفي بالغرض بس كنت مامله انها تكون صوص شفاف معزز بالقرفه زي اللي عند سينيبون بس طلعت شكولا بالقرفه

بالهيل _ نجي للهيل واللي ما اعجب الاخت شيهاانه وانا بمصع اذنها هههههههه بصراحه طبعا هي شكولا بنكهة الهيل عن نفسي حبيتها كثير خصوصا لاي حلا يتقدم مع القهوه النكهه غريبه بس لذيذه وتستاهل التجربه للامانه يعني انا تخيلتها بصراحه دايركت مع شعيريه باكستانيه محموسه مع نستله بعدين نغمسها فيها بتطلع لذيذه او جوزيه محشيه فيها او حتى غريبه وتتغمس بطرفها كنوع من التغير في تقديم الغريبه حبيتها يا شيهاانه هههههههههه

نجي للشكولا _ بصراحه انا مزاجي بالشكولا جدا سيء يعني انا ما اعترف باولكر وغيرها حتى جالكسي طاح من عيني حسيتهم غيرو تركيبته وصار يسبب حراره في المعده فصرت اذا اشتهيت شكولا زي جالكسي اروح اشتريها نفس الشكل بس من باتشي عشان كذا الشكولا للاسف نفس مستوى اولكر بس اكيد حتناسب الحريم اللي يحبون يشتغلون في الشكولا بالحلويات لاني ادخل قسم الحلويات اشوف العالم تذوب من الاولكر والجالكسي بالكميات بصراحه هالسطل ارحم لهم بكثييييييييييييييييييير وينفعهم مررررررره وكمان اشوف نوعيته ونعومته لما توصله الحراره ينفع لنافورة الشكولا يعني صبي سطلين منها يا سلام تحصلين على احلى نافورة شكولا من غير خساير وخرابيط واذا كنت انا معزومه اخلطوها مع الكابتشينو بتطلع الذ هههههههه



هذا تقرير مفصل عن الكريمه بس عن نفسي ما حسميها كريمه حسميها شكولا بالنكهاااات

وعلى فكره اللي اشوفه عادي اشوفه اعجب غيري يعني الاذواق مختلفه

وجاتني الطلبيه مرتبه ومغلفه وكل علبه مغلفه صح الين تكسرت اظافيري يا شيهااانه :icon33: ما صدقت طولت 2 مل ههههههههههه زيادة الحرص ساعات ماااش يكسر الاظافر وخصوصا عندي مناسبه الخميس ههههههههه

المهم حبيت اكتب تجربتي بكل صراحه
وعن جد الف الف الف شكر يالغاليه على تعاملك وحرصك واخلاقك الرائعه ربي يسعدك ويرزقك يا كريم


اسفه هذا رابط موضوعها اعتذر لاني ما حطيته من البدايه

http://forum.hawaaworld.com/showthread.php?t=2596988