كريم اساس ثابت لاطول مدة

السلام عليكم ورحمة الله

اخواتي الغاليات 000 بادخل في الموضوع على طول وانقل لكم تجربتي 00

الحمد لله مهاراتي في المكياج عالية ودائما مكياجي يرضيني ويعجب اللي حولي ( طبعا اقصد مكياج السهرات ) المشكلة اللي اعاني منها دايم ان اساسي يسيح ويتبقع علي مع اني اشتري الغالي وجربت اكثر من ماركة ، واكثر من طريقة (بس العيب في البشرة الدهنية ) ومع اني اسوي اقنعة قبل السهرة (مثل النشاء وموية الورد ) الا اني اظل قلقة من ثبات الاساس 000

الى ان جربت الليلة وكان عندي مناسبة وتجربتي كالتالي :

حطيت اساس طبقة خفيفة جدا ولمن ارتاح الوجه وبعد فترة حطيت خافي عيوب تحت العين ( خافي العيوب من ماركة وجوه ) ومعروف بأنه رقيق جدا 00بصراحة فكرت وحطيت في باقي وجهي كله عن طريق الضغط (والطبطبه)يعني مو سحب لا ضغط 000 حطيت البوردة وكملت مكياجي بصراحة المكياج طلع مرة حلو وثبات احلى من كل مرة 00

اتمنى الطريقة برضه تفيدكم والله يوفق الجميع 00