لو قدرتي توفرين رقم 13 من الاساس راسليني عجبني مرررررررررره

انا اخذت الكريم هذا وللاسف الاخت هذي ماعندها مصداقيه لما كلمتها سألتها هل يناسب البشره الحساسه وقالتلي انه يناسب وبالعكس انه مايأثر ابدا.واخذته وجربته والله لايوريكم على طول بشرتي حمرت وقبت حبوب صغيره في كل الوجه.
انصحكم نصيحة اخت وربي شاهد علي اني صادقه لاحد ياخذ منها .لانها حتى لما ارسلتلها بالحاله اللي حصلت لي طنشت ولاعاد شفت منها رد.
مااقول الاحسبي الله ونعم الوكيل فيها الله لايسامحها لادنيا ولا اخره

بعد التطنيش ردت وكان ردها جداً سيئ  وبدال ما ع الاقل تقول معليش ماكنت اعرف انه مايناسب كل البشرات ،كان ردها هجومي وصارت تدعي علي وتتلفظ الفاظ غير لائقه.انا انصدمت من طريقة ردها وانا اللي كنت متوقعه منها لو كلمة اعتذار والله كنت بسامحها.انا مو اول مره اتعامل مع تاجرات حواء ولكن اول مره انصدم في تعامل مثل كذا. والله العظيم اني ندمت على اني اخذت منها مو عشان الفلوس ولا عشان بشرتي اللي خربت قد ماهو عشان التعامل اللي شفته منها.

مااقول الاحسبي الله ونعم الوكيل فيها الله لايسامحها لادنيا ولا اخره،،وانا طلبت منها تتوقف عن ارسال الرسائل اللي تحمل كلام مايدل الاعلى رقيها.. وقلتلها اني ماابي منها اي شي ونتلاقى يوم القيامه قدام رب العالمين وقتها اطالبها بحقي.

وربي يشهد علي اني ماقلت هالكلام لاعشان اقطع رزقها ولا اي شي ولكن للتحذير لاخواتي اللي هنا فقط....لان فوق ان الكريم مضروب التعامل جداً سيئ.
شكراً

اول شئ مشكوره ياعسل على الكلام اللي كتبتيه حرف حرف يكفي انك صادقه لدرجه غير معقوله :)
كريم اساس ميشا لا هو من انتاجي ولا انا اللي صنعته او خلطته او كان اختراع من اختراعي كريم اساس ميشا

كريم معروف ومشهور وغني عن التعريف..اسمه لحاله يكفي عن التعريف..

وهذي روابط لكريم ميشا يستعملونه برى :)





http://www.youtube.com/watch?v=fpgdJORddVk&feature=related



http://www.youtube.com/watch?v=tjkpW_qsvus&feature=related




http://www.youtube.com/watch?v=usUu2iH3HbA&feature=related


انا لو كنت بحط الروابط كان امتلت الصفحه..بس اعتقد الروابط السابقه كفايه ..الكريم مشهور ومعروف وناجح جدا برى..لكن للاسف انتي لانك تجهلينه تماما واستغربتي شكله لانه جديد عليك توقعتيه من منتجات التجاريه الرخيصه السياحيه ..
انا كنت جاده لما قلت لك يناسب البشره الحساسه نظرا لان اختي بشرتها حساسه تماما وجربته وماشاءالله تبارك الله راائع معاها ..على ان بشرتها ماتستحمل لا خواتم ولا سلاسل من شدة حساسيتها:)
والله بيسالني على كل كلمه قلتها وبيحاسبني لو كنت كذابه..

لكن ربما تكون بشرتك مو حساسه فقط..انتي بشرتك تحتاج مراجعه للطبيب لان حتى كريم الاساس مااستحمله

اعتقد بشرتك تواجه مشكله يا عزيزتي..وانا اقولها لك ناصحه وغير متمشته..لانك بتواجهين هالمشكله في اي كريم اساس اوكريم تجميلي بتستعملينه وبكذا حرام تعيبين منتجات الناس وتقطعين ارزاقهم..

بينما العيب اولا وخيرا ببشرتك..

والله ثم والله ثم ولله كل زبائني مدحو هذا المنتج والبعض منهم رجع واخذ منه للمره الثانيه..وانتي اول وحده تسب منتجيسواء برسائلك النصيه وبالمنتدى..لا اعلم مالسبب..لكن الامر بالنسبه لي محير....!

اتمنى منك مراجعة رسائلك اللي ارسلتيها على جوالي..قبل ماترمين علي كلام باتهامي باني املك اسلوب سئ واني دعيت عليك..اتمنى تراجعين رسائلك..اللي دعيتي علي فيها وانا ماكنت ادري وش السالفه..

ارسلتي لي اول رساله الساعه 11 الليل وكنت نايمه ومارديت..لكن سؤ الظن عندك خلاكي تفكرين اني جاحدتك..وهونفسه سؤ الظن اللي خلاكي تعتقين ان كريمي هو السبب في مشكلتك..
وبثاني رساله دعيتي علي فيها وتحسبتي علي..

الغريب بالموضوع اني ارسلت لك الكريم الساعه 8 مسائاا...

ورديتي علي بالرسائل الساعه 11..

خلال ساعتين فقط تغيرت بشرتك..؟؟ عن جد امر غريب ومحير :)

واتهمتيني بالعانس والغيرانه منك ومن زواجك الى اخره...من كلام لا يخرج من عقل عاقل

عزيزتي..

انتي هدفك اولا واخيرا قطع رزقي..

حسبنا الله ونعم الوكيل..

حبيت اضيف ايضا موقفين صارو معي..اتمنى تقرينه يا اخت ( ملكة الانوثه )

مره من المرات اشتريت باروكه من تاجره سعرها فوق ال 500 ريال..وكانت جدا جدا جدا سيئه وتجاريه وصينيه شعر اشبه بشعر الالعاب :)
فيها لمعه غريبه منفره..ومن اول مااستعملتها وجربتها سببت تساقط لشعري الامامي..
طبعا انا رميتها على طول..وخسرت مال وشعر ..
لكن هل تتوقعين سبيتها..؟
او تكلمت عليها..؟
اقسم بالله ثم اقسم بالله اني جلست اضحك مع اخواتي بالباروكه وخذت الموضوع بضحك..قالو لي كلمتيها؟؟ علمتيها..؟
والله اني ما راسلتها ولا كلمتها ولا سبيتها بالمنتدى..
هذا رزقها ومابي اقطعه..واذا ماكان اعجبني فاكيد هو بيعجب غيري ولا ماكان استمرت بالبيع..
وبالاخير ماضربتني على يدي واجبرتني اشتريه..انا بنفسي رحت لها وشريته..وبما انه مااعجبني هذي مشكلتي واختياري..
والحمدلله على كل حال..والله يوسع عليها في رزقها ويرزقها من فضله رزقا كثيرا وان شاءالله تغير تجارتها لشئ احسن وافضل :)

قطع الاعناق ياعزيزتي ولا قطع الارزاق ...

وموقف اخر لي شتريت من تاجره منتج وفعلا كان اكثر من رااائع..واعجبني تماما وعجبني سعره..
ماكان مني الا ان اشكرها..
ومن دون علمها نزلت في كذا منتدى وموقع مواضيع عنها امح بضاعتها..وكانت الصور في المواضيع من تصويري الشخصي..
حتى ان البعض ظن انني انا من ابيع هذا المنتج وذلك لاهتمامي بمنتجها..

في الاخير..قل خيرا او اصمت..فبقولك احيانا قد تظلم الاخرين..

تحياتي