السلام عليكم ورحمة الله وبركاته
:27:
كيف حالكم يابنات إن شاء الله بخير وصحة وعافية
بالنسبة للموضوع آنا جربت كريم الافوكادو وفي منه نوعين واحد خاص للجسم
( علبةأكبر) وواحد خاص للوجه ( علبة أصغر )
آنا شريت ماااال الجسم والصراحة كنت كسولة ماأحطه على جسمي كله كنت بس
أحطه على رجولي
باليوم كنت أستخدمه مرتين ,,,,
الصراحة مع استخدامه ارجولي تفتح لونها والمسامات قلت حيييييييل وكان في
تقشير خفيف للجلد كنت أشوف قشووور بيضه خفيفة وعجبني حيييييييل
بس للأسف ماشريت إلا علبه وحدة وخلصت كان ودي أستخدمه على كل جسم
آنا شريته من القصيم لما كنت مسافره وما لقيته في الكويت
راح أكتب لكم الفوائد اللي مكتوبه بالورقة مالت الكريم :
- ينعم البشرة .
- يوحد لون البشرة
- يشد الترهلات
- يفتح لون البشرة
- يجدد الخلايا
مكوناته :
زيت جنين القمح - زيت اللوز المر - زيت الافوكادو - الايوسين احماض فواكه طبيعية
فيتامينات
شريته من عطار في القصيم اللي موجود في مجمع العثيم مول ,,, وتحصلونه في محل في القصيم اسمه أرض الزعفران ,,,
والكريم مصنع في مصنع الرحالة للعطور ومستحضرات التجميل- ترخيص صناعي 1189/ ص
الرياض - المملكة العربية السعودية ..
إن شاء الله أكون غطيت جميع جوانب الموضوع
لاتنسوني من صالح دعائكم
:)
مـراكب ذكريـاتي @mrakb_thkryaty
عضوة فعالة
يلزم عليك تسجيل الدخول أولًا لكتابة تعليق.
whwh
•
مشكووووووووووووووووووووووووووووره
الصفحة الأخيرة