مره وانا ألف بهالمنتديات حصلت وحده تمدح فيه ان اختها استخدمته ونحفت عليه قمت ودقيت على عطار دايم اخذ منه وشاطر حيل لانه دارس الاعشاب ويقول اذا هالمنتج تجاري او فعلا ممتاز وسألته قام مدح لي في كريم الزنجبيل وقالي علشان نتايج احسن البسي مشد وامشي ع السير ربع ساعه طبعا ماكذبت خبر شريته وكان سعره 45 ريال واستخدمته والله يابنات كل من لاحظ ان ضعفت من تحت لاني استخدمته بس ع الفخوذ والارداف وكنت البس مقاس بناطيل 34 وصرت البس 30 وطبعا كنت اخفف من الاكل وامشي يوميا ربع ساعه واحيانا لنص ساعه والله يوم احطه والبس المشداحس بحراره بنفس المكان اللي فيه الكريم ...
واستخدمت بعد معاه كريم للسيليولايت من نيفيا يعني واحد بالليل وواحد بالنهار وخف السيليولايت بكثير بس للاسف ماكملت عليه لانه لازم شهرين وانا اقل من شهر استخدمته لاني سافرت وتلخبط نظامي بالنوم ووقفته بس برجع اكمل عليه ان شاء الله .
هذي تجربتي واتمنى انكم تستفيدون منها واتمنى كل من تدخل تقرا موضوعي انها ع الاقل ترفع يدها وتقول آمين ان ربي يرد لي طليقي ويجمع شمله معاي ومع بناتي ويحقق تفسير الشيخ لرؤياي يارب
وهذي صورة الكريم
كنت افكر اشتريه من زمان بس اللي ما نعني منه اخاف انه يطلع تجاري فقط لا أكثر
بس الحين حمستيني له
الله يوفقك يارب ويحقق لك كل اللي تتمنيه ويرد لك طليقك ويجمع
شملك معاه ومع بناتك ويحقق لك تفسير رؤياك يارب