كريم الليل الكنز وتجربتي معاه بكل صدق بين ايديكم

السلام عليكم

شلونكم يا حلوات

انا سبق وكتبت موضوع عن قناع وفيتامينات وغسول للبشرة

وكان ودي اشوف تجاربكم مع القناع لكن خيبتوا ظني :(

المهم والله العظيم القناع روووووووووووعة ايش اقول وايش اخلي

الصراحة اللي ما تجربه خسرااااااااااااااااانه

المهم خلونا في موضوع اليوم

انا باكتب لكم تجربتي وبكل امانة وما ابغى منكم الا شي واحد بس

تدعوا لبناتي ربي يحفظهن ويخليهن لي ولا يريني فيهن اي سوء او مكروه

انا واعوذ بالله من كلمة انا عمري ما استعملت كريم مخصص لليل

دايم احط مرطب عادي في الليل والنهار

قبل شهر تقريبا رحت الصيرفي مول وبالصدفة شفت صيدلية بوتس وانا من زمان

نفسي اشوف ايش عندهم من كثر المدح عليها

المهم دخلت وجلست اتكلم مع الحرمة واسالها عن كريمات بالكولاجين

قالتلي انا رح اعطيك كريم يعزز انتاج الكولاجين الطبيعي في بشرتك عشان لو تركتيه ما

يخرب بشرتك وفي نفس الوقت يعالج مشاكل البشرة ومن ضمنها التصبغات

الكريم من شركة n7

بعدين ورتني كذا نوع منه كل نوع مخصص لسن معينة

انا اخذت الاخضر غطاه اسود من عمر 25 الى 40

اسمه perfict and protect سعره 165 ريال

وقالتلي ان هذي الماركة هي افضل ماركة للبشرة

طبعا هو يجي منه كريم للنهار وسيروم للعيون

بس انا اخذت كريم الليل فقط لاني ماكنت عاملة حسابي اشتري كريمات

نجي ذحين للنتائج

صار لي ذحين شهر الا كم يوم من يوم بديت استخدمه بس مو منتظمة

يعني احيانا تمر يومين ثلاثة من غير ما احطه

اللي لاحظته ان المسامات خفت كثييييييييييييييييير وبالكاد تنشاف والله كاني حطيت على وجهي

سحر اتقفلت بشكل ملفت

اتوقع بعد كم يوم بس وتختفي نهائيا باذن الله ويارب ماعاد اشوفها

وكممان التصبغات خفت عن اول بشكل واضح بس باقي ماراحت لانها من زمااان

اول اسبوعين لاحظت مشاكل البشرة والندبات والجروح القديمة

بدت تظهر بشكل واضح بعدين بدت تدريجيا تختفي يارب لك الحمد والشكر

مكتوب عليه بعد 4 اسابيع تظهر النتائج

احس وجهي صار قطعة وحدة تقريبا ماشاء الله لا قوة الا بالله

انا رح استمر عليه كمان شهر يوميا وبعدين يوم ويوم لا لغاية ما اخليه مرة وحدة او مرتين

في الاسبوع وناوية المرة الجاية باذن الله اخذ معاه كريم النهار

هذي تجربتي واتمنى انكم تستفيدوا منها