يا مرحبا و الله بأختي ** بنت الجبيل ** بارك الله بك و جزاك الخير و يفتح عليك دنيا و آخرة

يعني يا حبيبتي أنتِ مجربة هذا الكريم Eumovate مع الدكوين 4% ؟!!

ارجوكِ جاوبي على اسئلتي :(

كم المدة لي استخدمتيه فيها ؟!
متى تحطينه بالضبط، قبل ما تنامي فورا و الا بوقت المساء بشكل عام و تنامي فيه ؟!!
و متى ظهرت عندك النتيجة ؟؟!
و مين وصفه لك ؟!؟
و هل الإضاءة في البيت تأثر و الا كيف ؟!!

- تكفين انتظر ردك يا الأميرة -
و تسلمييييييييييييييييين

حبيبتي انا ماقلت جربت ايموفيت انا جربت ديرموفيت
راح اشرحلك قصدي
شوفي ... انا استخدمت خلطة طبية اخذتها من احد المنتديات وتأكدت ان كل كريماتها طبية ومعروفة والخلطة عبارة عن الدوكين فورت وريتنa وكريم الفا كورت وهي عبارة عن كريم تفتيح اللي هو الدوكين فورت وكريم تقشير اللي هو ريتنa وكريم حساسية اللي هو طبعاً الفاكورت
اللي اعرفه ان الدكتور يوصفه بتركيزات معينه .. محسوبتك خلطت الدعوة كلها مع بعض وازيدك من الشعر بيت ماشريت الفا كورت لاني مالقيته بالصيدلية اللي اتعامل معها وحطيت بداله ديرموفيت وخلطتها مع بعض وحطيتها في علبة بالثلاجة
واستخدمتها بالطريقة الآتية
ادهن منها وجهي ورقبتي واي مكان ابي افتحه وانام واذا صحيت اغسله بالصابون
او بعد ماادهن في وقت مبكر من الليل اخليه لمدة معينه يعني 3 او 4 ساعات بالكثير واغسله قبل النوم
الطريقتين تعطي نفس النتيجة
النتيجة اللي طلعت معاي ....
صفاء ونعومة وبياض مريح للنفس
والميزة ....
اني بعد ماتركتها ماانعدمت بشرتي رجعت زي اول الحمدلله دون اي خسائر
وراح اجاوب على اسئلتك
كم المدة لي استخدمتيه فيها ؟!
والله استخدمته اوقات متفاوته لاني استخدمتها كذا مرة .. احياناً اكمل شهرين واحياناً شهر واحياناً اقل واحياناً اكثر واحياناً بعد انتظم واحياناً امشي بالبركة وحسب الفضاوة
متى تحطينه بالضبط، قبل ما تنامي فورا و الا بوقت المساء بشكل عام و تنامي فيه ؟!!
جاوبتك على هالسؤال فوق :) ومو شرط تنامي فيه زي مانوهت سابقاً
و متى ظهرت عندك النتيجة ؟؟!
النتيجة بدت تظهر في اول اسبوع ماشاءالله وصديقتي من ثاني اسبوع يعني النتيجة تتفاوت حسب البشرة
و مين وصفه لك ؟!؟
جاوبتك على هالسؤال سابقاً واذا ودك تستخدمين طريقتي افضل انك تعصرين في يدك من كل كريم شوي وتخلطينها وتدهنين المنطقة اللي تبين تفتحينها كل ليلة بليلتها
و هل الإضاءة في البيت تأثر و الا كيف ؟!!
حبيبتي انا الحمدلله ماجاني شي من اضاءة البيت علماً باني اموووت على الانارة القوية في بيتي مااحب الكتمة

هذا اللي عندي ويااارب اكون افدتك عيوني

الكريم اللي انا اقصده هو ديرمفيد (جلاكسو)
اما الاكريم اللي انتي كتبتيه موهو
ممكن اعرف انتي ليش تبغين تستخدمين الخلطه ؟؟؟لبياض ؟؟اوتقشير؟؟

مدري أختي ...
بالنسبه لي استخدمت الألدوكين مع ريتن a
وبصراحه ما حسيت ان مفعوله حلو مثل ماشفت بغيري ... يمكن البشرة تختلف
وبالنسبه للكريم اللي ذكرتيه ما أعرفه بس أختي اقرأي النشره الداخليه وشوفي هو مكتوب عادي يستخدم لفترة طويله ... وانشاء الله تلقين جواب من البنات

*** حبيبتي الغالية ( بنت الجبيل ) ***

الله يسلّم قلبك من كل، و يفتح لكِ أبواب الرزق، و ينولّك لي ببالك، اللهم آمين :)

الحمد لله شعرت بارتياح نوعاً ما من خلال كلامك، لكن الظاهر إن المشكلة تتركز في بشرتي نفسها :(، لأنها مو راضية تتقشّر لا من أول أسبوع و لا ثاني أسبوع و لا حتى شهرين !!

تسلمين يا الغالية، و ألف ألف شكر

*** الأخت الغالية ( المهاا ) ***

الخلطة ابي استخدمها للتقشير، لأن بشرتي ما نفع معها ريتن a لأني جلست شهرين و لا حسّيت بأي فرق !!! و يا رب الحين ألقى نتيجة طيبة، دعواتكِ ..

*** الأخت الغالية الفوز ***

اشكرك على ردك الطيب و مرورك الجميل و مثل ما قلتي يمكن هو أكيد من ( نوع البشرة :( )
اااااااالله يعين حبيبتي و ألقى حل لآثار الحبوب، و يصفى وجهي و أرتاااااح.

::::: مشكورين جميعا على مروركم جزاكم الله الخير ::::::