كريم بوهلي للتبييض.. واخر الاخبار عنه يابنات

السلام عليكم يا بنات
شلونكم وشخباركم
بنات ودي اسألكم عن شي.. انا وايد قريت بهالمنتدى ومنتديات ثانيه عن كريم بوهلي وانه وايد زين علشان يخفف من السمار او السواد فمناطق الجسم المختلفه وانه بنفس الوقت ممكن نستخدمه كمزيل للعرق
توني بسم الله بروح اشتريه
!!
ولا اقر انه مضر وما مضر وهالحجي!!
عاد انا قلت لازم استفسر عنه سويت بحث بالنت طبعا لو تقرون مكوناته اهي عباره عن
فازلين وشمع وبرافين واكسيد التيتانيوم.. فلقيت بسايت (لها اون لاين) بقسم الاستشارات (طبعا اهو قسم يجاوبون دكاتره عن استفسارات القراء) وحده سائله عنه واذا كان لمادة اكسيد التيتانيوم تأثير فالدكتور قالها انه هالماده بالذات تستخدم في كريمات الوقايه من اشعه الشمس ال sun block وانه مالها مضار.. بس انا قلت انه لازم اتأكد اكثر فرحت الصيدليه
وسالته عنه فقالي هذا ما نبيعه بالصيدليه تلقينه عند الحواي فقلت بالمرة اسئله عنه قلت له له اثار قالي لا مافي مشاكل ولا اثار سلبيه لاستخدامه .. بس يعتمد على نوع البسره اذا تتقبله
وبصراحه توكلت ورحت شريته وصارلي الحين ثلاث ايام استخدمه والحمدلله جسمي ماتحسس منه
فياريت اذا اي وحده عندها تجربه ولافكره عنه ولا عن استخدامه او اثاره او معلومات ثانيه تقولنا علشان نستفيد واذا فعلا اهو يبيض وشكثر لازم نستعمله علشان تظهر النتيجه ويزاكم الله خير ومشكورين مقدما