كريم ديفرين تكفوون اللي جربته تتفضل ؟؟/// قديم

اتمنى ينفعوك البنااات


ماعندي فكررره واالله


الله يوفقك

أول شي عندي حب شباب صغير ومنتشر كامل الوجه مع إحمرار وبثور وعلامات بنية مال حب الشباب (هذا تحليل الدكتور) فعطاني دفرين وكريم نسيت اسمه مع غسول وحبوب.

طريقتهم : انه اول شيء الغسول مرتين باليوم وبالليل بعد الغسول تنشفين ويهج وتحطين واحد من المرهمين واليوم اللي بعده تبدلين المرهم الثاني. والحبوب الاسبوع الأول مرتين والاسبوع الثاني مره....وفي أيام كنت آخذ استراحة ما أحط اي مرهم بس الغسول يوميا. لانه الدكتور قال إذا حسيتي انه ويهج شد ومتضايقة ريحي من المراهم يعني عطي ويهج بريك.

النتيجة: بالبداية إحمرار وتقشير بسيط وجفاف الشفايف وتحسن واضح من الاسبوع الثاني, حتى الموعد اللي طاف قال ما شاء الله ماراح يي العيد إلا ويهج غيييير...إن شاء الله تعالى

إن شاء الله قدرت اشرح واي سؤال حاضرين والسموحة عالتقصير..

انا لي تجربه مريعه مع كريم ديفرين
رحت الطبيبه لان يكان طالع لي شويه بثور وحبوب خفيفه ماتبين
وعطتني دفرين وغسول
واستخدمته اول اسبوع قشر وجهي حيل والمكياج كان يحوم الكبد والناس تسال وش فيك
وعطتني الطبيبه مرطب بس بعد كان يحرق مره
المهم الاسبوع الثاني بدت الحبوب تزيد وطنشت واستمريت على الدفرين وكنت احطه بناء على كلام الطبيبه على كامل الوجه مع انه ينحط بس على الحبوب
وكل مالها تزيد الحبوب والناس تناظرني متروعه وش فيك وش هالحبوب
وانا اقول بيني وبين نفسي اكيد هذي حبوب تحت الجلد وطلعت ودفرين بينظفها
الى ان يوم قمت وجهي قاب حبوب مو طبيعيه ومنتفخ ومحمر وحالته حاله
حبوب سودا عميقه جنب بعض تروعت منها خاصه ان هالخد ماكان يطلع فيه حبوب
وخلص الدفرين والمشكله مثل مااهي
رحت الطبيبه وحالتي حاله بغيت اصيح قالت لي اكيد هرموناتك متخربطه قلت ماتخربطت الا هالاسبوعين شمعنى الا من دفرين
قالت مستحيل دفرين يعفس وجهك
وقالت استمري ريتين اي اخف لك
او حبوب الروكاتين

ومره تازمت نفسيتي
ورحت سويت تقشير الاميلان والحمدلله خفت الحبوب
بس المشكله ان الحبوب لما راحت تركت اثر بقع بنيه لاني قلت انها كانت حبوب من داخل الجلد

وللحين اعالج بهالبقع الله كريم تروح ادعي لي
لان مره تازمت نفسيتي هالصيفيه
والحمدلله على كل حال

نصيحتي لج اي كريم تستخدمينه ويزيد الحبوب اتركييييييييييه
الحين متحسفه اني ماتركت العلاج اول ماعفس وجهي
الحمدلله قضاء وقدر

روحي طبيب ودوري علاج مناسب
وحده قريبتي تمدح في تقشير اوباجي
وترى مافي علاج سحري للبقع والحبوب يبغى له وقت
بس لازم على الاقل تحسين بتحسن من البدايه

واعذريني طولت
ماصدقت افضفض عموما هذي تجربتي وبشره عن بشره تختلف
يمكن انا الي صابني عين او فعلا هرمونات لان اكتافي بعد طلع فيها حبوب مع اني مااستخدمت ديفرين
او اين كنت هذيك الفتره مكثره حلويات وشكولاته ودهون ودهن بشرتي ودفرين طلع الدهون الي تحت سطح البشره
وطلعت هالحبوب
عموما ادعي ربك يصفي بشرتك وتصدقي انا مجربه الصدقه فعلا روعه تصدقي بينه علاج وجهك
والله كريم الله يصفي وجهك ووجهي ويرزقنا يارب

انا لي 3 اسابيع استخدم ديفرين بس لسى فيني حبوب والحبوب اللي تطلع لي لها راس ابيض ماادري من ايش

السلام عليكم هلا اختي ..

انا وصفته لي الدكتوره من سنه ولا استخدمته وهذي السنه فكرت استخدمه وصار لي كم يوم استخدمه بس انا ما استخدمه في وجهي استخدمه لحبوب في ظهري ..

بس على فكره لا تستخدمينه اكثر من 3 شهور .. لأنه يأثر .

والله كثير مدحوه لي وانا فرقت على بنت خالي وقالت لي انه استخدمته ..
حطيه قبل النوم و لا تحطين على انفك او قريب فمك لأنه يأثر على هذي المناطق..حطي طبقه خفيفه على منطقة الحبوب..
ولا تنسين استشارة الطبيب في استخدامه..

والله يحقق لك امانيك يارب ويصفي ويجهك وينظره ..
ويرزقك نور الأيمان وصفاء القلب ياااارب..

تحياتي..