كريم رائع لشد البشره ولمقاومه التجاعيد

من مده قريت عن كريم للبشره يخفف من الخطوط الرفيعه بالوجه ويملس الوجه ويجدد البشره

فقلت اكيد حاله حال غيره

وبالصدفه كنت بالكويت بمول المارينا حصلتهم يسوونله اعلان وحاطين استاند

سالت عنه مدحوه لي وايد فشريته

بصراحه انا من سنين اعاني من تهيج بالبشره احس دوم بشرتي مب صافيه وفيها بوادر ترهل واحس فعلا انها تعبانه ومتهيجه وحمرا

صار لي استخدمه اسبوع تغييييييييييير رهييييييييييب الكل سالوني شسويتي لوجهج عبالهم حاطه كريم اساس :) وملمس البشره حرير وصافيه

الكريم جدا ممتاز وهو من شركتين شركه طبيه عالميه وشركه اليزابيث اردن

اسم الكريم

Prevage

Elezabeth Arden

فيه منه بعد كريم لحول العين بس ماجربته

صدقوني رائع وراح تدعون لي وايد جربت كريمات لمقاومه التجاعيد وتنعيم وشد البشره بس ماشفت مثله

بس هو غالي شويه سعره تقريبا 75 دينار كويتي وحصلت مكتوب عنه بالانترنت دوروا الموضوع واقروه بالاول

بس اللي خايفه تجازف تمر وتاخذ لها عينه وتجربه بالاول وانشالله راح يناسب الكل

انا شريته من دبنهامز مارينا مول وشكل العلبي اسطوانيه ولونها فضي

واللي يناسبها لاتنساني وتدعيلي :)