كريم فرد من قزاز

اختي فيه عند قزاز كذا نوع اي واحد تقصدين؟؟ عطينا الاسم عشان نفيدك تو وحده من اخواتي مسويه واحد والثانيه حاطه نوع ثاني وكلهم من قزاز .

عزيزتي حبر و ورق

كيف حالك ان شاء الله بخير
قولي احسن نوع انا مااقصد شي محدد وابغى استفسرلاني مو فاهمة طريقة استعماله اذا حطيته و غسلت شعري يروح مفعوله والا يجلس كذا يوم وهل يعدم الشعر
ولاتنسي تقولي كم سعره

شوفي عزيزتي :
عند قزاز نوعين واحد اسمه ناتشورال كرتونه ابيض واسود ومكتوب عليه بالعربي ومعاه وصفته ومكتوبه بالعربي وهو عباره عن عصار تحطينه على شعرك طريقة الاستعمال مكتوبه بورقه .
وعلى فكره جميع انواع الفرد اذا غسلتي الكريم طبعا يبدا مفعوله بعد ماتغسلينه ويجلس بشعرك لممممممممممممما يطول يعني بس الشعر الجديد هو اللي يصير مجعد والا القديم اللي حاطه عليه الفرد يظل زي ماهو بس احيانا يخف تأثيره مع الوقت بس لاتخافين يمكن يقعد سنتين .
هذا اول نوع.
النوع الثاني اسمه EUCROL ( وبصراحه هذا اعجبني اكثر من الاول ) وكرتونه لونه ابيض من فوق ومخطط بلون برتقالي من تحت وكل الكتابه اللي عليه بالانجليزي وبلغه فرنسيه وايطاليه وبلون برتقالي الكتابه واسمه مكتوب بالاحمر .
وهو صناعة فرنسيه زي ما قال لي اللي بقزاز ومكتوب بالكرتون فرنسا وايطاليا مدري مين الصادق
المهم هذا معاه عصار وعلبتين .
طريقة الاستعمال :
طبعا هي مكتوبه بورقه.. بس انا بشرح لك بالتفصيل .. تغسلين شعرك اول بعدين قسمي الشعر 4 أو 5 اقسام ابدي بأول جزء مشطيه بالمشط بعدين حطي الكريم عليه ومشطي الشعر بمشط اسنانه عريضه وبشويييييييييييييش عشان ما يتقطع الشعر بس ابعدي عن فروة الراس مقدار 1 سم .

وكل ماتخلصين من جزء ابدي بالجزء الثاني حطي عليه كريم ومشطي وروحي للجزء الثالث.... وهكذا لما تخلصين من شعرك كله حطي طاقيه بلاستيك عالشعر اذا خلصتي حطيتي الكريم ابدي احسبي لنفسك 5 دقايق بس لا تكثرين كملت 5 دقائق شيلي الطاقيه وطيااااااره عالحمام افردي شعرك براحة يدينك وتحت الدش اغسليييه بالماء الوافر لما يروح الكريم . وممكن تمشطين شعرك بس شوي شوي لا يتقطع الشعر انتبهي اوكي
.. بعدين حطي شامبو لطيف ممكن تستخدمين بيبي جونسون عشان ناعم عالشعر .
ولاتفركين شعرك بقوه لالالالا شوي شوي ولا تمشطين شعرك بقوه ابد بس بأصابعك او بمشط عريضه اسنانه حاولي تنظفين الشعر من الكريم الباقي اذا باقي طبعا المفروض تتخلصين من الكريم قبل ماتحطي شامبو ..
خلصتي
اوكي مع الكريم فيه علبه لونها ابيض ولها بوز كذا مخروطي الشكل اسمه Neutralizer تقصين البوز وتحطين المحلول على شعرك واتركيه 5 دقائق هذا يعتبر معادل للشعر ومشطي شعرك بشوييييش بمشط ابو اسنان عريضه .
خلصتي؟؟
اوكي اغسلي شعرك بالماء وحطي شامبو شووييييييييي بس واغسلي شعرك بشويش .
بعدين حطي الغرشه الثانيه اللي مع الكريم وهي عباره عن انبوب طويل شفاف فيه سائل لونه اخضر ومكتوب عليه after hair-straightening treatment
حطيه على شعرك واطلعي من الحمام لاتغسلينه خليه على شعرك .
وانتهينا .
هذي طريقته بالضبط . بس انتبهي اذا شعرك متقصف لا تحطينه
ولازم لازم تسوين خصله اختبار قبل تبدين عشان تضمنين النتائج اوكي ضروري بعض الشعور ما يناسبها .
ولازم اذا كنت بتحطين فرد للشعر لازم تهتمين بحمامات الزيت بعد كل حمام استخدمي حمام زيت لشعرك لأن مهما كان كريم الفرد زين ضروري ينشف الشعر شوي انت اهتمي بهالنقطه وزيتي شعرك واهتمي فيه عشان ما ينشف ويتقصف .

واخيرا سعره 25 ريال وبعد الخصم 20 واذا شعرك طوييييل ما يكفيك علبه وحده لازم علبتين .
وآآآآخر ملاحظه
تراك ماتلقينه عند كل فروع قزاز يعني انا رحت فرعين ومالقيته .

واخيرا ياربيه ياكثر ما قلت اخيرا بس خلاص اي اوامر ثانيه او استفسار لا يردك الا اصابعك .
بباي:D

الله يعطيك العافية وماقصرتي

طيب لو سمحتي اختي حبر وورق هذا الكريم مايعدم الشعر ؟ انا سمعت ان الفرد مو كويس للشعر . وبصراحه انا جربت الفرد مرررررررره بس فرد اعشاب والله وكيلك الى الان اشتكي من شعري الجديد صار خشن ومجعد طبعا من فروة الراس .

يعني هذا الفرد له نفس التاثير ولا اخف .

وهل يؤثر على الحمل ولا ماياثر .

معليش على كثرت الاسئلة .

وجزاك الله خير .

اختك : ام مـــــــالك .