كريم كرامل هايل

انا باعمل الكريم كرامل بطريقة سهلة جدا و على فكرة رائحة البيض مش بتبان و لا حاجة و الطريقة هي :
نحط شوية سكر+ قليل من الماء في طاسة أو حلة صغيرة و لما تغلي نعصر عليها نصف ليمونة و نوطي النار لحد ما يبقى لونها ذهبي او بني فاتح و بعدين نصبها في القالب الخاص بالكريم كرامل و هي ساخنة .
في طبق نضيف كمية اللبن اللي احنا عايزنها ( معايرة بالكوب) و نضيف البيض بمقدار 2 بيضة لكل كوب لبن( يعني لو حطيتي 4 كوب لبن تضيفي 8 بيضات)+ فانيليا ثم تضيفي السكر على حسب الرغبة + 1 ملعقة صغيرة نشا تذوبيها في قليل جدا من اللبن ثم تخلط هذة المقادير جيدا
صبي هذة المكونات في القالب
يوضع القالب في حمام مية ( يعني تحطية في حلة أكبر منه شوية و يكون فيها شوية مية بحيث لما تحطي القالب تكون المية وصلت الي 3/4 القالب و لكن احذري دخول المياة بالقالب )
غطي القالب بورق الومنيوم ثم ضعيه بالفرن على حرارة متوسطة لحد ما يستوي و اذا المياة نقصت زوديها حبة
بعد الاستواء و اللي ممكن تعرفيه بغرس سكينة في القالب فاذا خرجت نظيفة يكون استوى و ممكن تشيلي ورق الالومنيوم و تشغلي الشواية شوية علشان تحمري الوجة.
خرجيها من الفرن و سبيها تبرد و بعدين حطيها بالثلاجة و عند التقديم اقلبيها في طبق التقديم و بالهنا و الشفا . :angry: