كريم كراميل بالحمام المائي

السلام عليكم ورحمة الله وبركاته

شلونكم كل عام وانتم بخير وصحة وسلامة

المقادير :

6 بيضات
2 حليب بكوت كي دي دي او المراعي او اي شركة تحبونها الصغيرة
علبة حليب ابو قوس الصغيرة ( 170 ج ) بنكهة الهيل ( أو اي حليب مركز بنكهة الهيل
بنفس حجم العلبة )
شوية ماي تقريبا 4 ملاعق طعام
ملعقة صغيرة بودرة الفانيليا
شوية هيل مطحون
كوب جبن ابو قلاسات صغير مليء بالسكر
كوبين نفس الكوب سكر عشان تحرقينه للكريم كارميل

الطريقة :
تخلط جميع المقادير بالمضرب اليدوي وبعد ما تخلصين الخفق وتتأكدين انه السكر اوكي صبي الخليط بتمريرة على المصفاة اذا فيه قشر بيض او شي ينزل وطبعا تصبينه فوق السكر المحروق الي مفروض انج حطيتيه من قبل بفترة عشان يبرد ويتماسك بالصحن وبعدين حطيه بحمام مائي بالفرن على نار عالية في البداية عشان يسخن الماء تقريبا لمدة ربع ساعة وبعدين حطي النار وسط لمدة ساعة تقريبا وبعد ما تصكينه هم خليه بالفرن 10 دقايق

وبعدين حطيه بالثلاجه وهذا يعني انك خلصتيه :42:

ملاحظة :

- طبعا انتي تقدرين تتحكمين بالكمية اذا عندج عزومة كبيرة اهم شي انه كل بيضتين لها بكت حليب بالنسبة لعلبة ابو قوس الحليب ممكن تعوضين عنها ببكت حليب عادي بس تكثرين بالفانيليا صراحة انا احطها عشان طعمة البيض اذا انتم تحبون نكهة الفانيليا حطي بكت حليب بدالها وزودي في بودرة الفانيليا واستغني عن اربع الملاعق ماي

- الحمام المائي لازم ما يطلع فقاقيع يعني اقصد من كثر حرارة الماي لانه يخرب الكريم كراميل ويخليه فيه حفر اهم شي تحافظين على ماي الحمام المائي انه يكون حار مو مغلي
لما تقلبيه بعد ما يبرد يطلع بالضبط نفس الكريم كرميل بكل شي بس الذ لانج انتي الي مسويته :cook:

- البعض يسوونه بدال بكت الحليب علبة الحليب المركز الصغيرة مع شوية ماي لكل علبة بس بصراحة انا ما جربتها بس اهي تطلع نفس الشي تقريبا باختلاف النكهات انا اسويها بنفس الي كتبته لكم اما كله حليب بكوت او بعلبة حليب مركز بنكهة الهيل وانتو جربوا الاثنين اذا تحبون

أي استفسار أنا حاضرة

بالهنا والشفا

ودمتم سالمين

أخت لكم في الله