كريم للبشره الجآفه من BODY SHOP

السلام عليكم و رحمة الله وبركاته 




ادري صرت انزل ورا بعض مواضيع
لأني عارفه ان الفتره الجآيه بختفي 
بقدرة قادر 🌚💔 




المهم مو هاذا موضوعنا موضوعنا بيتكلم عن 
كريم من بودي شوب للإستعمال النهاري ..




طبعاً هوا كريم حجمو صغير بس فايدته للبشره الجافه كبيييرهه .. 




ولما تشوفي الكريم من الجمب مكتوب 
( مناسب لجميع انواع البشرة ) 




وهاذا الكلام مو صحيح ! لأن هاذا الكريم حسيت فيه شوية دهون يعني نقول نسبة 15٪ فيه دهون او 10٪ فـيعني انصح الي بشرتهم دهنيه ابداً ما يستخدمونه ..




اما الي بشرتهم جافه .. راح يرتاحون معاهه خاصتاً إن فيه فيتامين E ومكتوب هاذا الشي على علبة الكريم .. ونعرف ان فيتامين E مفيد جداً جداً للبشرة .. وطبعاً زي ما قلنا هاذا استعمال نهاري .. يعني قبل لا تطلعي برا عند الشمس خذي على طرف اصبعك وحطي على وجهك وافركي بطريقه هادية وصدقيني بتحسي براحه معاهه ! 
ملاحظة : اول ما تحطينه على وجهك و لسا ما نشف لا تطلعي للشمس ! لأن مع حرارة الشمس بتعرقين وبيمتزج الكريم مع العرق ! وانا قد جربت هاذا الشي وتضايقت مره ): 








و زي ما قلت فوق العلبه صغيررهه جداً لكن جلست معي شهرين او شهر ! .. ولسه ترا العلبه مليانه 😅




ونجي دحين عشان نسأل من وين وسعره ؟ 
.
.
سعرهه : 50 ريال 
.
.
مكانه : من عزيز مول - بجدة - واسم المحل 
( the body shop ) 💜 
.
.
ونعرف ان منتجات بودي شوب يستخرجونها من الطبيعه سواء من زهور او غيرها 😍💜




اتمنى انكم استفدتو من موضوعي .. ماحبيت اختصر عشان تستفيدو اكثر واشبعكم معلومات عن هاذا الكريم 😳😅




بحفظ الرحمآن 😘❤️